സി എന്‍ എ-
കൊച്ചി:
പൂര്‍ണമായും ഇതൊരു രാഷ്ട്രീയ ആക്ഷേപഹാസ്യ ചിത്രമാണ്.
കേരള സമൂഹത്തിലെ രണ്ടു വ്യക്തികളെ കേന്ദ്രീകരിച്ചാണ് സിനിമയുടെ കഥയൊരുക്കം. അഭ്യസ്തവിദ്യരും തൊഴില്‍ രഹിതരുമായ ചെറുപ്പക്കാരുടെ പ്രതിനിധിയാണ് ഒരാള്‍. മറ്റേയാള്‍ സത്യസന്ധനായൊരു കോണ്‍ട്രാക്ടറാണ്. രണ്ടുപേരുടെയും ജീവിതത്തില്‍ സംഭവിക്കുന്ന പ്രശ്‌നങ്ങളും പ്രതിസന്ധികളും അപകടങ്ങളും സാമൂഹികമായ ഇടപെടലുകളുമാണ് സിനിമയില്‍ പ്രതിപാദിക്കുന്നത്. സമകാലീന രാഷ്ട്രീയ സാമൂഹ്യ വിഷയങ്ങളിലൂടെ കടന്നു പോകുന്നൊരു കഥാന്തരീക്ഷത്തിലാണ് 'ഒരു താത്വിക അവലോകനം' ചര്‍ച്ച ചെയ്യപ്പെടുന്നത്.
യോഹന്‍ പ്രൊഡക്ഷന്സിന്റെ ബാനറില്‍ ഡോക്ടര്‍ ഗീവര്‍ഗീസ് യോഹന്നാന്‍ നിര്‍മ്മിക്കുന്ന 'ഒരു താത്വിക അവലോകനം' അഖില്‍ മാരാര്‍ തിരക്കഥയെഴുതി സംവിധാനം ചെയ്യുന്നു.
ജോജു ജോര്‍ജ്ജ്, അജുവര്‍ഗീസ്, നിരഞ്ജന്‍ രാജു, ഷമ്മി തിലകന്‍, സലിംകുമാര്‍, ജയകൃഷ്ണന്‍, കൃഷ്ണകുമാര്‍, ശ്രീജിത്ത് രവി, മാമുക്കോയ, പ്രശാന്ത് അലക്‌സ്, മന്‍രാജ് എന്നിവരാണ് അഭിനേതാക്കള്‍.
കൊട്ടാരക്കര ശ്രീധരന്‍ നായരുടെ മകളും നടന്‍ സായികുമാറിന്റെ സഹോദരിയുമായ ഷൈലജ, നടന്‍ സുരാജ് വെഞ്ഞാറമൂടിന്റെ സഹോദരനും മിമിക്രി കലാകാരനുമായ സജിവെഞ്ഞാറമൂട് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഷൈലജ അഭിനയിക്കുന്ന ആദ്യ സിനിമയാണിത്.
ജനുവരി ഒന്നിന് പാലക്കാട് ചിത്രീകരണം ആരംഭിക്കുന്ന സിനിമയുടെ ഛായാഗ്രഹണം വിഷ്ണു നാരായണന്‍ നിര്‍വഹിക്കുന്നു. ഗാനരചന- കൈതപ്രം, മുരുകന്‍ കാട്ടാക്കട. സംഗീതം- ഒ.കെ. രവിശങ്കര്‍. നിരവധി സംഗീത ആല്‍ബങ്ങളിലൂടെ ശ്രദ്ധേയനായ സംഗീത സംവിധായകനാണ് ഒ. കെ. രവിശങ്കര്‍.
എസാന്‍ കെ എസ്തപ്പാനാണ് പ്രൊഡക്ഷന് കണ്ട്രോളര്. കലാസംവിധാനം- ശ്യാം കാര്‍ത്തികേയന്‍, മേക്കപ്പ്- ജിത്തു പയ്യന്നൂര്‍, കോസ്റ്റ്യൂം ഡിസൈനര്‍- അരവിന്ദന്‍, സ്റ്റില്‍സ്- സേതു, അസോസിയേറ്റ് ഡയറക്ടര്‍ ബോസ് എന്നിവരാണ് ടെക്‌നിക്കല്‍ വിഭാഗത്തിലെ പ്രധാനികള്‍. പിആര്‍ഓ- എഎസ് ദിനേശ്.
