സി എന് എ-
മുംബൈ:
ഭാരതീയ ആത്മീയ ഗുരുവായ ആചാര്യ ഓഷോ രജനീഷിന്റെ ബയോപിക്ക് വരുന്നു. 'സീക്രട്ട്സ് ഓഫ് ലവ്' എന്ന് പേരിട്ടിരിക്കുന്ന ഈ ജീവചരിത്രം ഓഷോയുടെ ദര്ശനങ്ങളും യഥാര്ത്ഥ ജീവിതത്തിലെ ചില സംഭവങ്ങളും കോര്ത്തിണക്കിയാണ് ഒരുക്കുന്നത്.
ലൈംഗികതയിലൂടെ ആത്മീയതയുടെ പരമപദപ്രാപ്തിയിലേക്ക് അഥവാ മോക്ഷത്തിലേക്ക് എത്തിച്ചേരാം എന്നുള്ള ഭാരതീയ താന്ത്രിക സങ്കല്പ്പത്തിന്റെ ആധുനിക വക്താവ് കൂടിയായിരുന്നു അദ്ദേഹം.
റിതേഷ് എസ് കുമാറാണ് 'സീക്രട്ട്സ് ഓഫ് ലവ്' സംവിധാനം ചെയ്യുന്നത്. പ്രശസ്ത ബോളിവുഡ് നടന് രവി കിഷന് ആണ് ഓഷോയെ അവതരിപ്പിക്കുന്നത്.
ഓഷോ ആയി രവി കിഷന്റെ ഫസ്റ്റ് ലുക്ക് ഇതിനോടകം തന്നെ ഇന്റര്നെറ്റില് ഇടം നേടിയിട്ടുണ്ട്.
'ഇന്ത്യയിലും അമേരിക്കയിലുമായി ഓഷോ സ്ഥാപിച്ച നിരവധി ആശ്രമങ്ങളിലൂടെയാണ് തന്റെ പുതിയ കണ്ടെത്തുലുകളെ ജനങ്ങളിലേക്ക് അദ്ദേഹം എത്തിച്ചത്.
ഒരുപാട് അനുയായികളെ സൃഷ്ട്ടിച്ച ഒരു മഹത്വ്യക്തിത്വം ആണ് ഓഷോ രജനീഷ്.
അദ്ദേഹവുമായി ബന്ധപ്പെട്ട് ചില വിവാദങ്ങള് ഉണ്ടായിട്ടുണ്ടെങ്കിലും ലോകം മുഴുവന് ആ ദര്ശനങ്ങള് പ്രചരിച്ചിരിക്കുന്നു. അദ്ദേഹത്തിന്റെ നിരവധി പുസ്തകങ്ങള് ഞാന് ഇപ്പോള് വായിച്ചുകൊണ്ടിരിക്കുകയാണ്.
വലിയൊരു ഉത്തരവാദിതമാണ് എനിക്ക് നിറവേറ്റാനുള്ളത്' എന്നാണ് ഒരു പ്രമുഖ ഇംഗ്ലിഷ് പത്രത്തിന് നല്കിയ അഭിമുഖത്തില് രവി കിഷന് പറഞ്ഞത്.
തന്റെ കണ്ണുകള് ഓഷോയുടെ കണ്ണുകളുമായി സാമ്യമുണ്ടെന്ന് തോന്നുന്നതിനാലാണ് സംവിധായകന് ചിത്രത്തിനായി തന്നെ സമീപിച്ചതെന്നും രവി കിഷന് കൂട്ടിച്ചേര്ത്തു.