സി എന് എ-
കൊച്ചി:
നവാഗതനായ മാത്യൂസ് തോമസ് സുരേഷ് ഗോപിയെ നായകനാക്കി ഒരുക്കുന്ന ചിത്രമാണ് 'ഒറ്റക്കൊമ്പന്'. 'അറ്റാക്ക് ടു ഡിഫന്ഡ്' എന്നണ് 'ഒറ്റക്കൊമ്പന്റെ ടാഗ് ലൈന്.
'ഒറ്റക്കൊമ്പന്' സുരേഷ് ഗോപിയുടെ 250ാമത്തെ ചിത്രമാണ്. ഒറ്റക്കൊമ്പനില് സുരേഷ് ഗോപിക്കൊപ്പം ബിജുമേനോനും പ്രധാന കഥാപാത്രകുന്നു.
'ഒറ്റക്കൊമ്പനുമായി ബന്ധപ്പെട്ട സര്പ്രൈസ് പുറത്തുവിടുമെന്ന് അണിയറ പ്രവര്ത്തകര് കഴിഞ്ഞ ദിവസം അറിയിച്ചതിനു പിന്നാലെയാണ് ചിത്രത്തില് ബിജുമേനോന് അവതരിപ്പിക്കുന്ന കഥാപാത്രത്തിന്റെ ലുക്ക് പുറത്തുവിട്ടത്.
ചിത്രത്തിന്റെ നിര്മ്മാതാവായ ടോമിച്ചന് മുളകുപാടമാണ് തന്റെ ചിത്രത്തിന്റെ ഭാഗമായി ബിജുമേനോനും ഉണ്ടെന്ന വിവരം ഫെയ്സ്ബുക്കിലൂടെ പുറത്തുവിട്ടത്.
ഷിബിന് ഫ്രാന്സിസ് ആണ് 'ഒറ്റക്കൊമ്പന്റെ രചന നിര്വഹിക്കുന്നത്. ഛായാഗ്രഹണം- ഷാജി കുമാര്, സംഗീത സംവിധാനം- ഹര്ഷവര്ധന് രാമേശ്വര്, ഗാനരചന- അനില് ലാല്, ഓഡിയോഗ്രഫി- എം ആര് രാജകൃഷ്ണന്.
പ്രധാന ഷെഡ്യൂള് ഇനിയും ആരംഭിച്ചിട്ടില്ലെങ്കിലും ചിത്രത്തിനുവേണ്ടി ഒരു പെരുന്നാള് രംഗം ഒരു വര്ഷം മുന്പ് ചിത്രീകരിച്ചിരുന്നു. കഴിഞ്ഞ ഡിസംബര് എട്ടിനായിരുന്നു അത്. പാലാ ജൂബിലി പെരുന്നാളിന്റെ ദൃശ്യങ്ങളാണ് അന്ന് ചിത്രീകരിച്ചത്.
പാലാ, കൊച്ചി, മംഗളൂരു, മലേഷ്യ എന്നീ ലൊക്കേഷനുകളിലായിരിക്കും ചിത്രീകരണം.