സി എന്‍ എ-
മുംബൈ:
ബോളിവുഡ് സംവിധായകന്‍ രാജാകൃഷ്ണ മേനോന്‍ ഒരുക്കുന്ന ചിത്രമാണ് 'പിപ്പ'. യുദ്ധകാലത്തിന്റെ കഥപറയുന്ന സിനിമയാണ് ഇത്.
ബ്രിഗേഡിയര്‍ ബല്‍റാം സിംഗ് മേഹ്ത 2016ല്‍ എഴുതിയ 'ദ ബേണിംഗ് ചാഫീസ്' എന്ന പ്രശസ്ത പുസ്തകത്തിലെ കഥയെ അടിസ്ഥാനമാക്കിയാണ് സിനിമ ഒരുങ്ങുന്നത്. 1971ലെ ഇന്ത്യ-പാകിസ്ഥാന്‍ യുദ്ധ സമയത്ത് 45ആം ബെറ്റാലിയന്‍ സൈനിക ടാങ്കുകള്‍ നടത്തിയ ആക്രമണമാണ് പുസ്തകത്തിന്റെ ഇതിവൃത്തം.
ഇഷാന്‍ ഖട്ടര്‍ ബ്രിഗേഡിയറായി എത്തുന്നുത്.
'പിപ്പ'യുടെ സംഗീത ഒരുക്കുന്നത് ഓസ്‌കാര്‍ ജോതാവ് എ.ആര്‍ റഹ്മാന്‍ ആണ്.
ഇഷാന്‍ ഖട്ടറിനെ കൂടാതെ മൃണാള്‍ താക്കൂര്‍, പ്രിയന്‍ഷു പാനുലി എന്നിവരും ചിത്രത്തില്‍ പ്രധാന കഥാപാത്രങ്ങളായി എത്തുന്നുണ്ട്.
പിപ്പ എന്ന് അറിയപ്പെട്ടിരുന്ന റഷ്യയിലെ പ്രശസ്ത സൈനിക ടാങ്കായ പിടി76ല്‍ നിന്നാണ് ചിത്രത്തിന് പേര് നല്‍കിയിരിക്കുന്നത്.
ആര്‍.എസ്.വി.പി മൂവീസിനായി റോണി സ്‌ക്രൂവാലയാണ് 'പിപ്പ' നിര്‍മ്മിക്കുന്നത്. സിദ്ധാര്‍ത്ത റോയി കപൂറിനും റോണി സ്‌ക്രൂവാലയും കൂടി നിര്‍മ്മിച്ച 'സ്വദേശ്', 'രംഗ് ദേ ബസിന്തി', 'ജോധ അകബര്‍', 'ഡെല്‍ഹി6' എന്നീ ചിത്രങ്ങളിലും എ.ആര്‍ റഹ്മാന്‍ തന്നെയായിരുന്നു സംഗീത ഒരുക്കിയത്.
