CNA
പാലാ:
നെറ്റ്ഫഌക്സില് വരാനിരിക്കുന്ന സൂപ്പര്ഹീറോ ചിത്രമായ 'മിന്നല് മുരളി' മലയാള സിനിമയുടെ ചരിത്രത്തില് ഒരു പ്രധാന ഏടാകുമെന്നാണ് വിശ്വസിക്കുന്നത്.
ആക്ഷന്-കോമഡി ജോണറില് എത്തുന്ന ഒരു നാടന് സൂപ്പര്ഹീറോ ആയാണ് 'മിന്നല് മുരളി' ഡിസംബര് 24ന് എത്തുന്നത്. എന്നാല് 'മിന്നല് മുരളി'ക്കും മുമ്പേ കള്ളിമുണ്ടും ഉടുത്ത് ചെറിയൊരു തോര്ത്തും കഴുത്തില് കെട്ടി തന്റെ നരച്ച മീശയും പിരിച്ച് പൈലോ എന്നൊരു തനി നാടന് സൂപ്പര്ഹീറോ എത്തിയിട്ടുണ്ട്.
ഒരുപക്ഷേ പല പരിമിതികള് കൊണ്ടും ഷോര്ട്ട് ഫിലിം മേഖലയില് അധികമാരും കൈവെക്കാത്ത ഒരു ജോണറിനെ അതിന്റെ കഥപറച്ചില് രീതി കൊണ്ടും മേക്കിങ് ക്വാളിറ്റി കൊണ്ടും പരിചരിച്ച് മികവ് പുലര്ത്തിയ ഒരു കൊച്ചു ചിത്രമാണ് 'പൈലോ കാന്' (Pailo Can).
പാലാക്കാരനായ ബിബിന് ആന്റണിയാണ് 'പൈലോ കാന്' (Pailo Can) എന്ന ഈ കൊച്ചു ചിത്രത്തിന്റെ രചനയും സംവിധാനവും നിര്വ്വഹിച്ചിരിക്കുന്നത്.
നവമ്പര് 18ന് 'ബഡ്ജറ്റ് ലാബി' (Budget Lab)ന്റെ യൂട്യൂബ് ചാനലിലൂടെ റിലീസ് ചെയ്ത 'പൈലോ കാന്' പ്രക്ഷക ശ്രദ്ധ പിടിച്ചുപറ്റുകയായിരുന്നു. 1.3 ലക്ഷത്തിലധികം പ്രേക്ഷകരാണ് 'പൈലോ കാന്' കണ്ടുകഴിഞ്ഞത്.
ഒരു ഗ്രാമീണ പശ്ചാത്തലത്തില് നിന്നുകൊണ്ട് പൈലോ എന്ന സാധാരണ മനുഷ്യന്റെ ബന്ധങ്ങളിലൂടെയും സംഘര്ഷങ്ങളിലൂടെയുമൊക്കെയാണ് സിനിമയുടെ കഥ പറഞ്ഞിരിക്കുന്നത്.
ഒരു ചെറു കൗതുകത്തോടുകൂടി ഇത് കണ്ടിരിക്കാന് പ്രേരിപ്പിച്ചത് തീര്ച്ചയായും പൈലോ ചാച്ചി ഉള്പ്പെടെയുള്ള കഥാപാത്രങ്ങളുടെ ഏച്ചുകെട്ടലുകളോ കല്ലുകടികളോ ഇല്ലാതെയുള്ള മനോഹരമായ അവതരണമാണ്.
പൈലോ ചാച്ചിയെന്ന സൂപ്പര് ഹീറോയെ ആഴത്തില് അടയാളപ്പെടുത്താനുള്ള എല്ലാ ശ്രമമവും ഉണ്ടായിട്ടുണ്ട്.
ത്രസിപ്പിക്കുന്നൊരു അവസാനമാണ് ചിത്രത്തിനുള്ളത്. കുറച്ചുകൂടി മെച്ചപ്പെട്ട സ്വീകാര്യത ലഭിക്കേണ്ടുന്ന ഷോര്ട്ട് ഫിലിം തന്നെയാണിതെന്നതില് യാതൊരു സംശയവുമില്ല.
അഭിനേതാക്കള്: രാം കുമാര്, ഹമീര് കല്യാണി, ഉണ്ണി, ഗീതു എസ് ശരത്, ആന്സമ്മ മാത്യു, ശിവാനി എസ് ശരത്, അര്ജുന് പി നാഥ്, ടിസ്.
രചന, സംവിധാനം- ബിബിന് ആന്റണി, നിര്മ്മാണം: ബജറ്റ് ലാബ് പ്രൊഡക്ഷന്സ്, ക്രിയേറ്റീവ് പ്രൊഡ്യൂസര്- നിശാന്ത് പിള്ള, ഛായാഗ്രാഹകന്- മാര്ട്ടിന് മാത്യു, എഡിറ്റര്- ഷൈജാസ് കെ എം, സംഗീതം, ബിജിഎം & വോക്കല്- അരവിന്ദ് മഹാദേവന്, വരികള്- ബിബിന് ആന്റണി, ചീഫ് അസോസിയേറ്റ് ഡയറക്ടര്- ബെല്രാജ് കളരിക്കല്, കോസ്റ്റ്യൂം & മേക്കപ്പ് ഷംനാദ് അബ്ദുള് സലാം, കല അനന്ദു കെ എസ്, ട്രെയില് കട്ട്സ് ആനന്ദു കെ എസ്, പ്രൊഡക്ഷന് കണ്ട്രോളര് ഷോണ് സോണി, സ്റ്റില്സ്- രഞ്ജിത്ത് കോവിലകം, പോസ്റ്റര് ഡിസൈന്സ്- ജോയല് ജോസഫ്, അര്ജുന് ബ്രോ, ആനന്ദു കെ എസ്, വിഎഫ്എക്സ് ടീം- ഇന്ബറ്റ്വീന് സ്റ്റുഡിയോസ്, വിവേക് ലാല്, ആല്ബിന് മൈനാട്ടി, പ്രകാശ് ജോസ് മാഞ്ഞൂരാന് ടൈറ്റില്, സുനു രാജന്, സുനു രാജന്. നിതീഷ് ഗോപന്, വിനീഷ് വിക്രമന്, സൗണ്ട് ഡിസൈന് & മിക്സിംഗ്- ശങ്കര് കെഡികെ, കളറിസ്റ്റ്- വിഷ്ണു കെ ജി (പിക്സോ ഡിജിറ്റല് ലാബ്), ഡയറക്ഷന് ടീം- ജോയല് ജോസഫ്, ഷംനാദ് അബ്ദുള്സലാം, നന്ദു മനോജ്, ക്യാമറ അസോസിയേറ്റ്സ്- അഖില് രാജ്, ബിബി ഫോവ, പ്രൊഡക്ഷന് എക്സിക്യൂട്ടീവുകള്- ജോര്ജ്കുട്ടി എബ്രഹാം, അര്ജുന് പി നാഥ്, ഹെലികാം- ഗോകുല്, അഭിരാം, അഡീഷണല് ആര്ട്ട്- ആഷിഖ്, സ്പോട്ട് എഡിറ്റര്- രാഹുല് രാജു, പോസ്റ്റ് പ്രൊഡക്ഷന് സൂപ്പര്വൈസര്- ഷമല് ചാക്കോ, ഡബ്ബിംഗ് സ്റ്റുഡിയോ- ഫ്യൂച്ചര് വര്ക്കുകള് മീഡിയ ഫാക്ടറി, റെക്കോര്ഡിംഗ് എഞ്ചിനീയര്- സത്യജിത്ത്, അമരീഷ് നൗഷാദ്, സബ്ടൈറ്റില്- എവി സബ്ടൈറ്റലേഴ്സ്, ക്യാമറ ടീം- ഏക ഫിലിംസ്, സുധീപ് പ്രസാദ്, മനു, നിഖില്.
പൈലോ ചാച്ചിയെ ബിഗ്ഗ് സ്ക്രീനില് ഒരുക്കാന് ഇതിന്റെ സംവിധായകന് ബിബിന് ആന്റണിക്കും മറ്റ് അണിയറ പ്രവര്ത്തകര്ക്കും സാധിട്ടെയെന്ന് ആശംസിക്കുന്നു.
വാര്ത്ത പ്രചരണം- എം.എം. കമ്മത്ത്
Online PR - CinemaNewsAgency.Com