സി എന്‍ എ-
കൊച്ചി:
ലോക ഓട്ടിസം അവബോധ ദിനത്തോടനുബന്ധിച്ചു ഇയാന്‍ ഇന്‍സ്റ്റിറ്റിയൂട്ട് ഓഫ് റീഹാബിലിറ്റേഷന്‍ & റിസേര്‍ച് സെന്റര്‍ പുറത്തിറക്കിയ 'പറന്നുയരാം' മ്യൂസിക്കല്‍ വീഡിയോ ആല്‍ബം പ്രശസ്ത സിനിമാതാരം മഞ്ജു വാര്യര്‍ റിലീസ് ചെയ്തു.
പ്രൊഡക്ഷന്‍ കമ്പനിയായ സെലിബ്രിഡ്ജ് ആണ് ഈ വീഡിയോ ആല്‍ബം രൂപകല്‍പന ചെയ്തത്. വീഡിയോ പ്രകാശനചടങ്ങിനോടനുബന്ധിച്ച് എറണാകുളം പ്രസ്സ്‌ക്ലബ്ബില്‍ നടന്ന പത്രസമ്മേളനത്തില്‍ ഡോ. അഭിലാഷ് ജോസഫ്, റോസ്മിന്‍, ഇയാന്‍, സംഗീത സംവിധായകന്‍ ഫായിസ് മുഹമ്മദ് തുടങ്ങിയവര്‍ പങ്കെടുത്തു.
ഇയാന്‍ ചാരിറ്റബിള്‍ ഫൗണ്ടേഷന്റെ കീഴില്‍ വരുന്ന ഒരു സ്ഥാപനമാണ് ഇയാന്‍ ഇന്‍സ്റ്റിറ്റിയൂട്ട് ഓഫ് റീഹാബിലിറ്റേഷന്‍ ആന്‍ഡ് റിസര്‍ച്ച് സെന്റര്‍. ഈ ഇന്‍സ്റ്റിറ്റിയൂട്ടിനെ പ്രധാന ലക്ഷ്യം ഭിന്നശേഷിക്കാരായ കുട്ടികളുടെ ചികിത്സയും സഹായവും ഉറപ്പാക്കാനും അതോടൊപ്പം ഒരു ഭിന്നശേഷി സൗഹൃദ സമൂഹത്തെ വാര്‍ത്തെടുക്കാനും ആണ്.അവര്‍ക്ക് ശാരീരികവും മാനസികവും സാമൂഹികവും സാമ്പത്തികവും ആത്മീയവുമായ ഉയര്‍ച്ചയാണ് നോക്കിക്കാണുന്നത്. അതിനെ സഹായിക്കുന്ന കരിയര്‍ ജോബ് ട്രെയിനിങ്, കള്‍ച്ചറല്‍ സ്‌പോര്‍ട്‌സ് ആക്ടിവിറ്റിയില്‍ പങ്കെടുപ്പിക്കുകയും അവര്‍ക്ക് ആശ്വാസപാരായ ഒരു ജീവിതത്തിലേക്ക് എത്തിക്കയും ചെയ്യുക എന്നതാണ് ഇയാന്റെ പ്രധാന ലക്ഷ്യം.
നടനും സംവിധായകനും തിരക്കഥാകൃത്തുമായ ശ്രീ ശങ്കര്‍ രാമകൃഷ്ണന്റേതാണ് ആശയം. ഷൗക്കത്ത് ലെന്‍സ്മാന്‍ ആണ് ക്രീയേറ്റീവ് ഹെഡ്. ദൃശ്യാവിഷ്‌കാരം ശ്രീ യൂസഫ് ലെന്‍സ്മാന്‍. പ്രൊഡ്യൂസേഴ്‌സ് അഭിലാഷ് ജോസഫ് കെ ,റോസ്മിന്‍ അഭിലാഷ്.ഹെക്ടര്‍ ലെവിസ് (USA) നൊപ്പം ഗായകരായ റാണി ഹെക്ടര്‍, മെറില്‍ ആന്‍ മാത്യു, ഷാജി ചുണ്ടന്‍, ഡെസ്റ്റിനി മെലോണ്‍ ടെക്‌സാസ് (USA)തുടങ്ങിയവരും ഈ ഗാനം ആലപിച്ചിട്ടുണ്ട്.ഫായിസ് മുഹമ്മദിന്റെ സംഗീതത്തില്‍ ഷാജി ചുണ്ടനാണ് വരികളെഴുതിയിരിക്കുന്നത്. പ്രശസ്ത മോഡലും സിനിമാതാരവുമായ രാജേഷ് രാജിനൊപ്പം അറിയപ്പെടുന്ന കുട്ടി താരോദയം ബേബി ഇവാനിയായും ഇയാന്‍ ഇസ്റ്റിട്യൂട്ടിന്റെ അമരക്കാരന്‍ ശ്രീ അഭിലാഷ് ജോസഫും ഭാര്യ റോസ്മിന്‍ അഭിലാഷും മകന്‍ ഇയാനുമാണ് പ്രധാന കഥാപാത്രങ്ങളെ അവതരിപ്പിച്ചിട്ടുള്ളത്.ക്യാമറ യൂസഫ് ലെന്‍സ്മാന്‍,ആന്‍സൂര്‍ പി.എം,അഷ്‌റഫ് പാത്രമംഗലം. എഡിറ്റിംഗ് & ഗ്രാഫിക്‌സ് യൂസഫ് ലെന്‍സ്മാന്‍, സൗണ്ട് മിക്‌സിങ് അലെ ഫില്ലിസോളായു കെ, വാര്‍ത്ത പ്രചാരം- എ.എസ്. ദിനേശ്. പ്രൊജക്റ്റ് ഡിസൈനര്‍- ഷംസി തിരൂര്‍, ഫൈസല്‍ നാലകത്ത്‌യു കെ, സിന്‍ഞ്ചോ നെല്ലിശേരി. ഡിസൈന്‍സ്- ഷെമീം കോമത്ത്.
Online PR - CNA.
