Editor- MM Kamath
കൊച്ചി:
ധ്യാന്‍ ശീനിവാസന്‍ നായകനാകുന്ന 'പാര്‍ട്ട്‌ണേഴ്‌സ്' എന്ന സിനിമയുടെ ചിത്രീകരണം ഡിസംബര്‍ പത്തിന് കാസര്‍കോട്ട് ആരംഭിക്കുന്നു.
'ഇര', മമ്മൂട്ടി വൈശാഖ് ടീമിന്റെ 'ന്യൂയോര്‍ക്ക്' എന്നീ ചിത്രങ്ങള്‍ക്ക് തിരക്കഥ രചിച്ച് ശ്രദ്ധേയനായ നവീന്‍ ജോണ്‍ ആണ് ഈ ചിത്രത്തിന്റെ തിരക്കഥ രചിച്ച് സംവിധാനം ചെയ്യുന്നത്.
കൊല്ലപ്പള്ളി ഫിലിംസിന്റെ ബാനറില്‍ ദിനേശ് കൊല്ലപ്പള്ളിയാണ് ഈ ചിത്രം നിര്‍മ്മിക്കുന്നത്.
കാസര്‍കോട്ട് നടന്ന ഒരു യഥാര്‍ത്ഥ സംഭവത്തില്‍ നിന്നും പ്രചോദനം ഉള്‍ക്കൊണ്ടാണ് ഈ ചിത്രത്തിന്റെ അവതരണമെന്ന് സംവിധായകനായ നവീന്‍ ജോസ് പറഞ്ഞു.
സഞ്ജു ശിവറാം, കലാഭവന്‍ ഷാജോണ്‍, ഹരിഷ് പെരടി, അനിഷ്‌ഗോപാല്‍, നീരജാ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
രണ്ടു നായികമാരാണ് ചിത്രത്തിലുള്ളത്. 'പിച്ചക്കാരന്‍' എന്ന തമിഴ് സിനിമയിലൂടെ രംഗത്തെത്തിയ നടി സാധന ടൈറ്റസ്.
ഹരി നാരായണന്റെ വരികള്‍ക്ക് പ്രകാശ് അലക്‌സ് ഈണം പകര്‍ന്നിരിക്കുന്നു.
ഫൈസല്‍ അലിയാണ് ഛായാഗ്രാഹകന്‍.
എഡിറ്റിംഗ്- സുനില്‍ എസ്. പിള്ള, കലാസംവിധാനം- സുരേഷ് കൊല്ലം, മേക്കപ്പ്- സജി കൊരട്ടി, കോസ്റ്റ്യും ഡിസൈന്‍- സുജിത് മട്ടന്നൂര്‍, പ്രൊഡക്ഷന് കണ്ട്രോളര്- സതീഷ് കാവില്‍ക്കോട്ട, പ്രൊജക്റ്റ് ഡിസൈനര്‍- ബാദുഷ.
- വാഴൂര്‍ ജോസ്.
Online PR - CinemaNewsAgency.Com
