സി എന്‍ എ-
ആലപ്പുഴ:
വിനയന്‍ സംവിധാനം ചെയ്യുന്ന 'പത്തൊന്‍പതാം നൂറ്റാണ്ടിന്റെ ചിത്രീകരണം ആലപ്പുഴ കുട്ടനാട്ടില്‍ ആരംഭിച്ചു.
ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ നിര്‍മ്മിക്കുന്ന ബിഗ് ബജറ്റ് ചിത്രമാണ് 'പത്തൊമ്പതാം നൂറ്റാണ്ട്'. താഴ്ന്ന ജാതിക്കാര്‍ക്ക് വേണ്ടി പ്രവര്‍ത്തിക്കുകയും അവരെ മുന്‍പന്തിയില്‍ നിന്നു നയിക്കുകയും ചെയ്ത പോരാളിയായ ആറാട്ടുപുഴ വേലായുധപ്പണിക്കര്‍ എന്ന ഇതിഹാസ കഥാപാത്രത്തിന്റെ ജീവിതമാണ് സിനിമയില്‍ പറയുന്നത്.
യുവതാരം സിജുവില്‍സന്‍ വേലായുധപ്പണിക്കരെ അവതരിപ്പിക്കുന്നു. കയാദു ലോഹറാണ് നായിക. സിനിമയുടെ ഫസ്റ്റ് ലുക്ക് പോസ്റ്റര്‍ മികച്ച പ്രതികരണം നേടിയിരുന്നു.
എം. ജയചന്ദ്രനും റഫീക് അഹമ്മദും ചേര്‍ന്നൊരുക്കുന്ന നാലു ഗാനങ്ങള്‍ ചിത്രത്തിലുണ്ട്. അനൂപ് മേനോന്‍, ചെമ്പന്‍ വിനോദ്, സുധീര്‍ കരമന, സുരേഷ് ക്യഷ്ണ, ഇന്ദ്രന്‍സ്, രാഘവന്‍, അലന്‍സിയര്‍, ടിനി ടോം, ശ്രീജിത് രവി, സുദേവ് നായര്‍, ജാഫര്‍ ഇടുക്കി, മണികണ്ഠന്‍, സെന്തില്‍ക്യഷ്ണ, ബിബിന്‍ ജോര്‍ജ്ജ്, വിഷ്ണു വിനയ്, വിഷ്ണു ഗോവിന്ദ്, സ്ഫടികം ജോര്‍ജ്, സുനില്‍ സുഗത, ചേര്‍ത്തല ജയന്‍, ക്യഷ്ണ, ദീപ്തി സതി, പൂനം ബജുവ,രേണു സുന്ദര്‍, വര്‍ഷ വിശ്വനാഥ്, നിയ, മാധുരി ബ്രഗാന്‍സ തുടങ്ങി ഒരുപിടി താരങ്ങള്‍ ചിത്രത്തില്‍ അണിനിരക്കും.
ക്യാമറ- ഷാജികുമാര്‍, കലാസംവിധാനം- അജയന്‍ ചാലിശ്ശേരി, എഡിറ്റിങ്- വിവേക് ഹര്‍ഷന്‍, മേക്കപ്പ്- പട്ടണം റഷീദ്, കോസ്റ്റ്യും- ധന്യാ ബാലക്യഷ്ണന്‍, സൗണ്ട് ഡിസൈന്‍- സതീഷ്, കോ പ്രൊഡ്യൂസര്- വി സി പ്രവീണ്‍, ബൈജു ഗോപാലന്‍. എക്‌സിക്യൂട്ടീവ് പ്രൊഡ്യുസര്- ക്യഷ്ണമൂര്‍ത്തി, പ്രൊഡക്ഷന് കണ്ട്രോളര്- ബാദുഷ, പിആര്‍ഒ- മഞ്ജു ഗോപിനാഥ്. വാഴൂര്‍ ജോസ്, എ എസ് ദിനേശ്, ഡിസൈന്‍- ഓള്‍ഡ് മങ്ക്‌സ്.
