എ എസ് ദിനേശ്-
കൊച്ചി:
മരിക്കാര് എന്റര്ടെയിന്മെന്സിന്റെ ബാനറില് ഡിനോയ് പൗലോസ് തിരക്കഥ എഴുതി അഫ്സല് അബ്ദുല് ലത്തീഫ് സംവിധാനം ചെയ്യുന്ന 'പത്രോസിന്റെ പടപ്പുകള്' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസായി.
ഷറഫുദീന്, ഡിനോയ് പൗലോസ്, നസ്ലിന്, ഗ്രേസ് ആന്റണി, രഞ്ജിത മേനോന്, സുരേഷ് കൃഷ്ണ, ജോണി ആന്റണി, ജെയിംസ് ഏലിയാ, നന്ദു, ഷൈനി സാറ, ആലീസ് തുടങ്ങിവരുടെ കൂടെ നിരവധി പുതുമുഖങ്ങളും ചിത്രത്തില് ഉണ്ട്.
'തണ്ണീര്മത്തന് ദിനങ്ങള്' എന്ന സൂപര് ഹിറ്റ് ചിത്രത്തിന് ശേഷം ഡിനോയ് പൗലോസ് തിരക്കഥ എഴുതുന്ന ചിത്രം 'ഉപ്പും മുളകും' എന്ന ജനപ്രിയ പ്രോഗ്രാമിന്റെ രചയിതാവായ അഫ്സല് അബ്ദുല് ലത്തീഫിന്റെ ആദ്യ സംവിധാന സംരംഭമാണ്.
ഒ പി എം ഫിലിംസ് ആണ് ചിത്രം വിതരണത്തിന് എടുത്തിരിക്കുന്നത്. ക്യാമറ- ജയേഷ് മോഹന്, സംഗീതം- ജേക്സ് ബിജോയ്, എഡിറ്റ് & ക്രിയേറ്റിവ് ഡയറക്ഷന്- സംഗീത് പ്രതാപ്, കല- ആഷിക് എസ്, വസ്ത്രലങ്കാരം- ശരണ്യ ജീബു, മേക്കപ്പ്- സിനൂപ് രാജ്, ചീഫ് അസോസിയേറ്റ് ഡയറക്ടര്- അതുല് രാമചന്ദ്രന്, പ്രൊഡക്ഷന് കണ്ട്രോളര്- ജാവേദ് ചെമ്പ്, സൗണ്ട് മിക്സ്- ധനുഷ് നായനാര്, സ്റ്റില്- സിബി ചീരന്, ഡിസൈന്- യെല്ലോ ടൂത്ത്, അനദര് റൗണ്ട്, പിആര്ഒ- എ എസ് ദിനേശ്.
Online PR - CinemaNewsAgency.Com
