സി എന്‍ എ-
മുംബൈ:
കാമത്തിന്റെയും പ്രതികാരത്തിന്റെയും ലിംഗരാഷ്ട്രീയത്തിന്റെയും കഥപറയുന്ന 'പൗരഷ്പൂര്‍' ഡിസംബര്‍ 29ന് റിലീസ് ചെയ്യും.
സ്ത്രീകളെ വസ്തുക്കളായി മാത്രം കണക്കാക്കുന്ന മിസോണിസ്റ്റ് രാജാവിന്റെ ജീവിത വഴികളെക്കുറിച്ചാണ് വെബ്‌സീരീസ് സംസാരിക്കുന്നത്. മോഹത്തിനായി നിരവധി സ്ത്രീകളെ വിവാഹം കഴിക്കുകയും അവരെ താഴ്ന്ന മനുഷ്യരായി കരുതുകയും ചെയ്യുന്ന രാജ വാഴ്ച്ചയുടെ കഥയില്‍ സെക്‌സ് ഒരു വലിയ ഘടകമാകുന്നു. പ്രണയം, മോഹം, പ്രതികാരം, എന്നിവ കൈകാര്യം ചെയ്യുന്ന, പതിനാറാം നൂറ്റാണ്ടിലെ ഇന്ത്യയുടെ പശ്ചാത്തലത്തില്‍ സ്ത്രീകള്‍ക്ക് തീരുമാനമെടുക്കാന്‍ സ്വാതന്ത്ര്യമില്ലാത്ത ഒരു രാജ്യത്തിന്റെ കഥ പറയുന്നതിനൊപ്പം സ്ത്രീകളുടെ പോരാട്ടവും ചിത്രീകരിക്കപ്പെടുന്നു.
വിപ്ലവകരമായ ഒരു വിഷ്വല്‍ അനുഭവമാണ് 'പൗരാഷ്പൂര്‍'ന്റെ ട്രെയിലര്‍ നല്‍കുന്നത്.
ശചീന്ദ്ര വാട്‌സ് സംവിധാനം ചെയ്ത 'പൗരഷ്പൂര്‍' ഇന്ത്യന്‍ ചലച്ചിത്ര മേഖലയില്‍ ഇത് വരെകാണാത്ത രീതിയിലുള്ള പുതിയൊരു അവതരണമാണ് കാഴ്ച്ചവെക്കുന്നത്. എ.എല്‍.ടി. ബാലാജി, സീ 5 എന്നിവയുടെ സംയുക്ത സംരംഭമാണിത്. അന്നു കപൂര്‍, മിലിന്ദ് സോമന്‍, ശില്പ ഷിന്‍ഡെ, ഷഹീര്‍ ഷെയ്ഖ്, പൗലോമി ദാസ്, സഹീല്‍ സാലത്തിയ, ഫ്‌ലോറസെയിനി എന്നിവരാണ് ചിത്രത്തിലെ പ്രധാന അഭിനേതാക്കള്‍.
