സി എന്‍ എ-
കൊച്ചി:
നീണ്ട ഇടവേളയ്ക്ക് ശേഷം തെന്നിന്ത്യന്‍ ഗായിക രഞ്ജിനി ജോസ് പുതിയ ഗാനവുമായി എത്തിയിരിക്കുകയാണ്.
രഞ്ജിനി പാടിയിട്ടുള്ള പതിവ് ഗാനങ്ങളില്‍ നിന്ന് തികച്ചും വ്യത്യസ്തമാണ് ഈ ഗാനം. അടിച്ചുപൊളി പാട്ട്പാടി മലയാളികളെ ഹരം കൊള്ളിച്ചിട്ടുള്ള രഞ്ജിനി ഇപ്പോള്‍ ഒരു സോള്‍ഫുള്‍ മെലഡിയുമായിട്ടാണ് എത്തിയിരിക്കുന്നത്.
'അകലെ നിന്നുരുകും വെണ്‍താരം
അരികെ നിന്നുരുകും നിന്‍ മൗനം...'
വിഷാദം പെയ്തിറങ്ങുന്ന ഈ ആര്‍ദ്രഗാനം രഞ്ജിനിയുടെ സ്വരമാധുരിയിലൂടെ തരളിതമായി ഒഴുകിയെത്തുകയാണ്. രഞ്ജിനി ആലപിച്ച പെര്‍ഫ്യൂമിലെ രണ്ടാമത്തെ ഈ ഗാനം ചലച്ചിത്ര രംഗത്തെ പ്രമുഖരാണ് ഈ ഗാനം റിലീസ് ചെയ്യ്തിരിക്കുന്നത്.
സംവിധായകന്‍ പി കെ ബാബുരാജ്, നടി സുരഭി ലക്ഷ്മി, നടന്‍ വിനോദ് കോവൂര്‍ എന്നിവര്‍ തങ്ങളുടെ ഫെയ്‌സ് ബുക്കിലൂടെയാണ് ഗാനം റിലീസ് ചെയ്യ്തിരിക്കുന്നത്. പ്രണയാതുരമായ ഈ ഗാനത്തിന് സംഗീതം നല്‍കിയത് രാജേഷ് ബാബു കെ ശൂരനാടും വരികളെഴുതിയത് സുജിത്ത് കാറ്റോടുമാണ്.
ടിനി ടോം, പ്രതാപ് പോത്തന്‍, കനിഹ എന്നിവരെ കേന്ദ്രകഥാപാത്രമാക്കി പ്രശസ്ത സംവിധായകന്‍ ഹരിദാസ് ഒരുക്കിയ പുതിയ ചിത്രമാണ് 'പെര്‍ഫ്യൂം'. മോത്തി ജേക്കബ് പ്രൊഡക്ഷന്സും നന്ദനമുദ്ര ഫിലിംസും സംയുക്തമായി ഒരുക്കുന്ന 'പെര്‍ഫ്യൂം' മോത്തി ജേക്കബ് കൊടിയാത്ത്, സുധി എന്നിവര്‍ ചേര്‍ന്നാണ് നിര്‍മ്മിച്ചിരിക്കുന്നത്. എക്‌സിക്യൂട്ടീവ് പ്രൊഡ്യൂസര്- ശരത്ത് ഗോപിനാഥ്, പ്രൊഡക്ഷന് കണ്ട്രോളര്- ഷാജി പട്ടിക്കര. പി ആര്‍ ഒ- പി ആര്‍ സുമേരന്‍.
Online PR - CNA.
