സി എന്‍ എ-
ഹൈദരാബാദ്:
ശ്രുതിഹാസനും അമല പോളും പ്രധാനവേഷങ്ങളില്‍ എത്തുന്ന തെലുങ്ക് ആന്തോളജി ചിത്രമായ 'പിട്ട കതാലു' ചൂടന്‍ ടീസര്‍ നെറ്റ്ഫ്‌ളിക്‌സ് പുറത്തിറക്കി.
സിനിമയിലെ ഓരോ കഥാപാത്രങ്ങളെയും പരിചയപ്പെടുത്തുന്ന രംഗങ്ങളാണ് ടീസറില്‍ ഉള്‍പ്പെടുത്തിയിരിക്കുന്നത്.
ശ്രുതി ഹാസന്‍, അമല പോള്‍ എന്നിവരെ കൂടാതെ സാന്‍വേ മെഗാന, ഈഷ റെബ്ബ, ലക്ഷ്മി മഞ്ചു, ജഗപതി ബാബു, സത്യദേവ് കാഞ്ചരാന, സഞ്ചിത് ഹെഗ്‌ഡെ തുടങ്ങിയവരും പ്രധാന വേഷങ്ങളില്‍ എത്തുന്നുണ്ട്.
'പിട്ട കതാലു' ഒരു ചര്‍ച്ചാവിഷയമാകുമെന്നതിന് യാതൊരു സംശയവുമില്ല.
സ്ത്രീകളെക്കുറിച്ചും അവര്‍ ആധുനിക ബന്ധങ്ങളെ എങ്ങനെ കൈകാര്യം ചെയ്യുന്നുവെന്നും അവര്‍ നേരിടുന്ന വെല്ലുവിളികളെക്കുറിച്ചുമാണ് ചിത്രം ചര്‍ച്ച ചെയ്യുന്നത്.
പ്രണയം, ലൈംഗികത, റിലേഷന്‍ഷിപ്പ് എന്നീ വിഷയങ്ങള്‍ കൈകാര്യം ചെയ്യുന്ന ഓരോ ഹ്രസ്വ ചിത്രങ്ങളായിട്ടാണ് ചിത്രം റിലീസ് ചെയ്യുന്നത്.
തരുണ്‍ ഭാസ്‌കര്‍, ബി വി നന്ദിനി റെഡ്ഡി, നാഗ് അശ്വിന്‍, സങ്കല്‍പ് റെഡ്ഡി എന്നിവരാണ് ചിത്രങ്ങള്‍ സംവിധാനം ചെയ്യുന്നത്.
ചിത്രം ഫെബ്രുവരി 19ന് നെറ്റ്ഫ്‌ളിക്‌സിലെത്തും.
