സി എന്‍ എ-
പൊന്നാനി:
വെളിയംകോട് എം.ടി.എം കോളേജിന്റെയും പൊന്നാനി ഫിലിം സൊസൈറ്റിയുടെയും സഹകരണത്തോടെയാണ്മാര്ച്ച് 20 മുതല്‍ 26 വരെ ചലച്ചിത്രമേള സംഘടിപ്പിക്കുന്നത്. മൈക്രോടെക് സ്‌കില്‍സ്, ഫ്രണ്ട്‌ലൈന്‍ ഗ്രൂപ് എന്നിവര്‍ ഫെസ്റ്റിവല്‍ പാര്‍ട്ട്ണര്‍മാരായുണ്ട്.
പത്തോളം രാജ്യങ്ങളില്‍ നിന്നായി ഇരുപത് ഭാഷകളില്‍ അമ്പതോളം സിനിമകളും അനുബന്ധ സെമിനാറുകളും ശില്പശാലകളും ഓപ്പണ്‍ഫോറവും കലാസാംസ്‌കാരിക പരിപാടികളും മേളയില്‍ ഉള്‍പ്പെടും. പൊന്നാനി നിള സംഗ്രഹാലയവും വെളിയംകോട് എം.ടിഎം സ്‌പോര്‍ട്ട്‌സ് വില്ലേജുമായിരിക്കും മേളയുടെ വേദികള്‍. പങ്കെടുക്കുന്നവര്‍ക്ക് ചലച്ചിത്രമേളയുടെ വെബ്‌സൈറ്റ് വഴി ഓണ്‍ലൈനായി രജിസ്റ്റര്‍ ചെയ്യാം. വിദ്യാര്‍ത്ഥികള്‍ക്ക് ഇരുനൂറ് രൂപയും മറ്റുള്ളവര്‍ക്ക് നാനൂറ് രൂപയുമായിരിക്കും ഡെലിഗേറ്റ് ഫീസ്.
ചലച്ചിത്ര മേളയുടെ ഭാഗമായി മാര്‍ച്ച് 23 മുതല്‍ മാര്‍ച്ച് 25 വരെ പൊന്നാനിയില്‍ ത്രിദിന ചലച്ചിത്രാസ്വാദന ശില്‍പ്പശാല നടക്കും. മുന്‍കൂട്ടി രജിസ്റ്റര്‍ ചെയ്ത ഡെലിഗേറ്റുകള്‍ക്കാണ് ശില്‍പ്പശാലയിലേക്ക് പ്രവേശനമുണ്ടായിരിക്കുക. പ്രശസ്ത സിനിമാനിരൂപകന്‍ ശ്രീ മധു ജനാര്‍ദ്ധനനാണ് ക്യാമ്പ് ഡയറക്റ്റര്‍. സിനിമയുടെ ഭാഷ, ലോകസിനിമയുടെ ചരിത്രം, സിനിമയുടെ സാമൂഹികരാഷ്ട്രീയ വായനകള്‍, സിനിമയിലെ ആണ്‍ നോട്ടങ്ങള്‍, ലോകസിനിമയിലെ ആചാര്യന്മാര്‍, ദൃശ്യകാലത്തിന്റെ പരിണാമങ്ങള്‍ തുടങ്ങിയ വിഷയങ്ങളില്‍ വിധു വിന്‍സെന്റ്,ഡോ. ജി.ആര്‍ സന്തോഷ് കുമാര്‍, ഡോ. എന്‍.വി. മുഹമ്മദ് റാഫി, ജി.പി. രാമചന്ദ്രന്‍,ഉണ്ണികൃഷ്ണന്‍ ആവള, അനു പാപ്പച്ചന്‍, ജിതിന്‍ കെ.സി, കെ.ബി. വേണു, മമ്മദ് മൊണ്ടാഷ് തുടങ്ങിയവര്‍ ക്ലാസ്സുകള്‍ നയിക്കും. കൂടാതെ പ്രശസ്ത സിനിമാട്ടോഗ്രാഫര്‍ മധു നീലകണ്ഠന്‍, സംവിധായിക വിധു വിന്‍സന്റ് എന്നിവരും പങ്കെടുക്കുന്നവരുമായി സംവദിക്കാന്‍ ക്യാമ്പിലെത്തും.
കൂടാതെ സര്‍ഗ്ഗാത്മകസൃഷ്ടികളും കോപ്പിറൈറ്റ് നിയമങ്ങളും, ചലച്ചിത്രം: തൊഴില്‍ തൊഴിലിടം, സിനിമയിലെ ജാതീയതയും ലിംഗനീതിയും,സെന്‍സര്‍ഷിപ്പ് നിയമങ്ങളും സ്വതന്ത്ര സിനിമയും,സിനിമരാഷ്ട്രീയവും പ്രധിരോധവും,ഫിലിം സൊസൈറ്റി പ്രസ്ഥാനങ്ങളും സിനിമയും തുടങ്ങിയ വിഷയങ്ങളില്‍ സജിന്‍ ബാബു,ജോഷി ജോസഫ്,വിപിന്‍ അറ്റ്‌ലി,അരുണ്‍ കാര്‍ത്തിക് ,വിധു വിന്‍സെന്റ് ,ഡോ.അനു പാപ്പച്ചന്‍,വി മോഹനകൃഷ്ണന്‍ ഓപണ്‍ ഫോറവും നടക്കുമെന്ന് ഫെസ്റ്റിവല്‍ ഡയറക്ടര്‍ കൂടിയായ പ്രശസ്ത സംവിധായകന്‍ സലാം ബാപ്പു അറിയിച്ചു.
ഡെലിഗേറ്റുകള്‍ക്കുള്ള പാസുകള്‍ മേളയുടെ വെബ്‌സൈറ്റ് വഴിയോ ( iffponnani.com ) സംഘാടകരില്‍ നിന്ന് നേരിട്ടോ കരസ്ഥമാക്കാം.
കൂടുതല്‍ വിവരങ്ങള്‍ക്ക് : 9995282821.
Online PR - CNA.
