സി എന് എ-
കൊച്ചി:
ഫന്റാസ്റ്റിക് ഫിലിംസ് ആന്റ് ജി.എം. എന്റെര്ടെയ്ന്മെന്റിന്റെ ബാനറില് നവാഗതനായ രാഹുല് കല്ലു സംവിധാനം ചെയ്യുന്ന പുതിയ ചിത്രമാണ് 'പൗഡര് Since 1905'.
നിരവധി ഷോര്ട്ട് ഫിലിമുകളിലൂടെ ഏറെ ശ്രദ്ധേയനായ രാഹുല് കല്ലു കോഴിക്കോടിന്റെ ഗ്രാമ പശ്ചാത്തലത്തില് ഇന്നത്തെ പുതിയ തലമുറയുടെ കഥ തികച്ചും രസകരമായി അവതരിപ്പിക്കുന്ന ചിത്രമാണ് 'പൗഡര് Since 1905'.
ഈ കാലഘട്ടത്തിലെ യുവാക്കളുടെ ജീവിതത്തില് ഏറെ സ്വാധീനമുണ്ടാക്കുന്ന വിഷയങ്ങളിലൂടെയാണ് അവതരണം.
നാട്ടിലെ തികച്ചും സാധാരണക്കാരായ അഞ്ചു കള്ളന്മാരുടെ ജീവിതത്തിലൂടെയാണ് കഥാ വികസനം.
ചെറിയ ഉദ്യമങ്ങളിലൂടെ മോഷണം നടത്തുന്ന ഇവര് വലിയൊരു ഉദ്യമത്തിലേക്കു കടക്കുന്നതും ഇവരുടെ ജീവിതത്തില് ഉണ്ടാക്കുന്ന വഴിത്തിരിവുമാണ് ഈ ചിത്രത്തിന്റെ പ്രമേയം.
ധ്യാന് ശ്രീനിവാസന്, അജു വര്ഗീസ്, സൈജു ക്കുറുപ്പ്, സുധീഷ്, ഹരീഷ് കണാരന്, തങ്കച്ചന് വിതുര എന്നിവരാണ് അഞ്ചു കള്ളന്മാരെ അവതരിപ്പിക്കുന്നത്.
പുതുമുഖമാണ് നായിക. പ്രമുഖ താരങ്ങളും നിരവധി പുതുമുഖങ്ങളും ഈ ചിത്രത്തില് അണിനിരക്കുന്നുണ്ട്.
മനാഫിന്റേതാണ് രചന, മനു മഞ്ജിത്തിന്റെ വരികള്ക്ക് അരുണ് മുരളീധരന് ഈണം പകര്ന്നിരിക്കുന്നു. ഫാസില് നസീര് ഛായാഗ്രഹണം, രതിന് എഡിറ്റിംഗ് നിര്വ്വഹിക്കുന്നു.
കലാസംവിധാനം- ഷാജി മുകന്ദ്, നിര്മ്മാണ നിര്വ്വഹണം- സുരേഷ് മിത്രക്കരി.
ഏപ്രില് ആദ്യവാരത്തില് മുക്കം, തിരുവാമ്പാടി ഭാഗങ്ങളിലായി ചിത്രീകരണം ആരംഭിക്കുന്നു.
ഫന്റാസ്റ്റിക് റിലീസ് ചിത്രം പ്രദര്ശനത്തിനെത്തിക്കുന്നു. പി ആര് ഒ- വാഴൂര് ജോസ്.
Online PR - CNA.