സി എന്‍ എ-
ഹൈദരാബാദ്:
തെന്നിന്ത്യയില്‍ മാത്രമല്ല, ലോക സിനിമയില്‍ തന്നെ ഏറ്റവും കൂടുതല്‍ ആരാധകരുള്ള താരമായ പ്രഭാസ് ലംബോര്‍ഗിനി അവന്റഡോര്‍ റോഡ്സ്റ്റര്‍ സ്വന്തമാക്കി.
6 കോടിയുടെ പുതിയ ലംബോര്‍ഗിനി സ്വന്തമാക്കിയിരിക്കുകയാണ് പ്രഭാസ്. ലംബോര്‍ഗിനിയുടെ സൂപ്പര്‍സ്‌പോര്‍ട്‌സ് കാറുകളില്‍ ഏറ്റവും മികച്ചു നില്‍ക്കുന്ന ലംബോര്‍ഗിനി അവന്റഡോര്‍ റോഡ്സ്റ്റര്‍. ലംബോര്‍ഗിനി കാറുകള്‍ക്കിടയില്‍ ഏറ്റവും മികച്ചതും ഏറ്റവും വിലയുള്ളതുമായ സ്‌പോര്‍ട്‌സ് കാറുകളിലൊന്നാണിത്.
പൂജ്യത്തില്‍ നിന്ന് 100 കിലോമീറ്റര്‍ വേഗം കൈവരിക്കാന്‍ വെറും 2.9 സെക്കന്റ് മാത്രം വേണ്ടിവരുന്ന ഈ സൂപ്പര്‍ കാറിന്റെ പരമാവധി വേഗം 350 കിലോമീറ്ററാണ്.
പ്രഭാസിന്റെ പുതിയ കാറിന്റെ ഫോട്ടോകള്‍ വൈറലായിക്കൊണ്ടിരിക്കുകയാണ്. ബ്രൈറ്റ് ഓറഞ്ച് നിറമുള്ള കാര്‍ സൂപ്പര്‍ ഹിറ്റായി ആരാധകര്‍ക്കിടയില്‍ ഓടുകയാണ്.
ഹൈദരാബാദിലെ റോഡിലൂടെ കുതിച്ചു പായുന്ന ഓറഞ്ച് ലംബോര്‍ഗിനിയാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചാ വിഷയം.
പ്രഭാസിന്റെ അച്ഛന്‍ സൂര്യ നാരായണ രാജുവിന്റെ ജന്മദിനത്തോട് അനുബന്ധിച്ചാണ് താരം ഈ പുതിയ കാര്‍ വാങ്ങിയതെന്നും റിപ്പോര്‍ട്ടുുകളുണ്ട്.
6.5 ലീറ്റര്‍ വി 12 എന്‍ജിനാണ് ലംബോര്‍ഗിനി അവന്റഡോര്‍ എസ് റോഡ്സ്റ്ററില്‍ ഉള്ളത്.
