Editor- MM Kamath
കൊച്ചി:
'പ്രണയവും മീന്‍കറിയും' എന്ന ഹ്രസ്വചിത്രം മെഗാസ്റ്റാര്‍ മമ്മുട്ടി തന്റെ ഫേസ്ബുക്ക് പേജിലൂടെ റിലീസ് ചെയ്തു.
സെവന്‍ത്‌ഡോര്‍ പ്രൊഡക്ഷന്സിന്റെ ബാനറില്‍ ശ്രീജിത്ത് മയിപ്പിലായി നിര്‍മ്മിച്ച് രാഗേഷ് നാരായണന്‍ രചനയും സംവിധാനവും നിര്‍വ്വഹിച്ച ഹ്രസ്വചിത്രമാണ് 'പ്രണയവും മീന്‍കറിയും'.
പ്രണയവും സൗഹൃദവും മുഖ്യവിഷയമായി ഒരുക്കിയ ഈ ഇരുപത് മിനിറ്റ് ഷോര്‍ട്ട് ഫിലിമില്‍ പ്രണയത്തിന്റേയും, സൗഹൃദത്തിന്റേയും വ്യത്യസ്തമായ ഭാവങ്ങള്‍ തികച്ചും വ്യത്യസ്തമായ കഥ പറച്ചിലിലൂടെ പ്രേക്ഷകരിലേക്കെത്തിക്കുന്നു.
ദൃശ്യ ഭംഗി കൊണ്ടും, അഭിനയ മികവ് കൊണ്ടും, ശബ്ദ സന്നിവേശം കൊണ്ടും ഈ ഹ്രസ്വ ചിത്രം മികച്ചു നില്‍ക്കുന്നു.
ഈ ചിത്രത്തിന്റെ ക്യാമറയും എഡിറ്റിംഗും നിര്‍വ്വഹിച്ചിരിക്കുന്നത് പ്രജിത്ത് ഐമാക്‌സ് ആണ്.
നിജില്‍, സെബ, നിധീഷ് ഇരിട്ടി, രതീഷ്, പ്രിനു, ഉണ്ണി എന്നിവരാണ് അഭിനേതാക്കള്‍.
പശ്ചാത്തലസംഗീതം- നിഷാദ് പി വി, ശബ്ദ സന്നിവേശം- രതീഷ് വി നന്ദിയോട്, കല- രാരിഷ് ടി. നായര്‍, സഹസംവിധാനം- നിധീഷ് ഇരിട്ടി, വസ്ത്രാലങ്കാരം- യദുകൃഷ്ണന്‍, നിശ്ചലഛായാഗ്രഹണം- രാകേഷ് നായര്‍, പരസ്യകല- ഇന്ദ്രജിത്ത്, വാര്‍ത്ത പ്രചരണം എ എസ് ദിനേശ്, ഓണ്‍ലൈന്‍ പി.ആര്‍.- മഹേഷ് കമ്മത്ത്.
Online Partner - CinemaNewsAgency.Com
