സി എന് എ-
തിരു:
നിത്യഹരിത നായകന് പ്രേംനസീറിന്റെ തൊണ്ണൂറ്റി നാലാം ജന്മദിനാഘോഷത്തോടനുബന്ധിച്ച്പ്രേംനസീര് ഫൗണ്ടേഷന്റെയും നിത്യഹരിതകള്ച്ചറല് ആന്റ് ചാരിറ്റബിള്സൊസൈറ്റിയുടെയും ആഭിമുഖ്യത്തില്തിരുവനന്തപുരത്ത്പ്രേം ക്വിസ് 2021 സംഘടിപ്പിച്ചു.
ഫൗണ്ടേഷന്ചെയര്മാനും ചലച്ചിത്രനിര്മാതാവുമായ ജി. സുരേഷ്കുമാര് ഉദ്ഘാടനം ചെയ്തു.
പ്രേംനസീറിന്റെ മകള് റീത്താ ഷറഫുദീന്, ഫൗണ്ടേഷന് എക്സിക്യൂട്ടീവ് ട്രസ്റ്റി എസ്.എച്ച്. എം അഷ്റഫ്, ഫിനാന്ഷ്യല് ട്രസ്റ്റി അബ്ദുല് നാസര് സെയ്ന്, അഡ്മിനിസ്ട്രേറ്റിവ് ട്രസ്റ്റി താജ് ബഷീര്, സൊസൈറ്റി പ്രസിഡന്റ് റഹിം പനവൂര്, വൈസ് പ്രസിഡന്റ് ഡോ: വാഴമുട്ടം ബി. ചന്ദ്രബാബു,
രക്ഷാധികാരികളായ വഞ്ചിയൂര് പ്രവീണ്കുമാര്, പ്രൊഫ: എം. സിദ്ദിക്കുല് കബീര്, മാധ്യമ പ്രവര്ത്തകന് പ്രവാസിബന്ധു ഡോ:എസ്. അഹമ്മദ്, ഗോപന് ശാസ്തമംഗലം, എസ് രത്നകുമാര് തുടങ്ങിയവര് സംസാരിച്ചു.
പ്രേംനസീറിനെക്കുറിച്ചുള്ള ക്വിസ് മത്സരത്തില് വിദ്യാര്ത്ഥികളുംമുതിര്ന്നവരും ഉള്പ്പെടെ നിരവധി പേര് പങ്കെടുത്തു. സിനിമ പി ആര് ഒ റഹിം പനവൂര് ക്വിസ്നയിച്ചു. വേദിയിലുണ്ടായിരുന്നവരും ചോദ്യകര്ത്താക്കളായ രീതിയിലായിരുന്നു മത്സരം.
ആള്ട്ടര്നേറ്റീവ് മെഡിസിനില് ഡോക്ടറേറ്റ് നേടിയ നിത്യഹരിത സൊസൈറ്റി രക്ഷാധികാരികൂടിയായ പ്രൊഫ: എം. സിദ്ദിക്കുല് കബീറിനെ റീത്താ ഷറഫുദീന് ചടങ്ങില് ഉപഹാരം നല്കി ആദരിച്ചു.
തിരുവനന്തപുരത്ത് നടക്കുന്ന വര്ണാഭമായ ചടങ്ങില് വച്ച് ക്വിസ് മത്സര വിജയികള്ക്ക് സമ്മാനങ്ങള് നല്കുമെന്ന് പ്രേംനസീര് ഫൗണ്ടേഷന് ചെയര്മാന് ജി. സുരേഷ്കുമാര് പറഞ്ഞു.
Online PR - CNA.