സി എന് എ-
ബംഗളൂരു:
കന്നട സൂപ്പര് സ്റ്റാര് പുനീത് രാജ് കുമാര് (46) അന്തരിച്ചു.
ഹൃദയാഘാതത്തെ തുടര്ന്ന് ബാംഗ്ലൂരിലെ വിക്രം ആശുപത്രിയില് ചികിത്സയില് കഴിയവെയാണ് അന്ത്യം.
11.30 ഓടെയാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. വ്യായാമം ചെയ്യുന്നതിനിടെ ദേഹാസ്വാസ്ഥ്യം അനുഭവപ്പെടുകയായിരുന്നുവെന്നാണ് വിവരം. തുടര്ന്ന് ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിക്കുകയായിരുന്നു.
പുനീതിന്റെ ആരോഗ്യനില അതീവ ഗുരുതരമാണെന്ന റിപ്പോര്ട്ടുകളാണ് ആദ്യം മുതലേ പുറത്തുവന്നത്.
കര്ണാടക മുഖ്യമന്ത്രി ബസവരാജ് ബൊമ്മ ഉള്പ്പടെ നിരവധിപ്പേര് ആദരഞ്ജലികള് അര്പ്പിച്ചു.
കന്നട സിനിമയിലെ പ്രശസ്തനായ നടന് രാജ്കുമാറിന്റെ മകനാണ് പുനീത് രാജ്കുമാര്.
ബാലതാരമായി അഭിനയ രംഗത്തേക്ക് എത്തിയ നടന് ഇതുവരെ 29 ഓളം സിനിമകളില് അഭിനയിച്ചിട്ടുണ്ട്. 1985ല് മികച്ച ബാലതാരത്തിനുളള ദേശീയ പുരസ്കാരവുംഅദ്ദേഹം സ്വന്തമാക്കിയിരുന്നു.
'അപ്പു' എന്ന സിനിമയിലൂടെയാണ് പുനീത് ആദ്യമായി നായക വേഷത്തില് എത്തുന്നത്. 'അഭി', 'അജയ്', 'അരസു' തുടങ്ങിയ സിനിമകളിലെ അദ്ദേഹത്തിന്റെ പ്രകടനം ഏറെ ശ്രദ്ധേയമാണ്.
മോഹന്ലാലിനൊപ്പം അഭിനയിച്ച 'മൈത്രി' എന്ന സിനിമ മലയാളത്തിലേക്ക് മൊഴിമാറ്റം ചെയ്യപെട്ടിരുന്നു. 'യുവരത്ന' എന്ന സിനിമയാണ് അദ്ദേഹത്തിന്റേതായി ഒടുവില് പുറത്തിറങ്ങിയത്.