CNA
കൊച്ചി:
'മിന്നല് മുരളി'ക്ക് ശേഷം സോഫിയ പോളിന്റെ വീക്കെന്ഡ് ബ്ലോക്ക് ബസ്റ്റേഴ്സ് നിര്മ്മിക്കുന്ന പുതിയ ചിത്രമാണ് 'ആര് ഡി എക്സ്'.
ഷെയിന് നിഗം, ആന്റണി വര്ഗീസ് പെപ്പെ, നീരജ് മാധവ് എന്നിവര് പ്രധാന വേഷങ്ങളില് എത്തുന്ന ചിത്രം ഒരുക്കുന്നത് നവാഗതനായ നഹാസ് ഹിദായത്ത് ആണ്.
പവര് പാക്കഡ് ആക്ഷന് ത്രില്ലറായി ഒരുങ്ങുന്ന 'ആര്ഡിഎക്സി'ന്റെ ചിത്രീകരണം ഉടന് ആരംഭിക്കും.
'കെജിഎഫ്', 'വിക്രം', 'ബീസ്റ്റ്' തുടങ്ങിയ ചിത്രങ്ങളുടെ ആക്ഷന് ഡയറക്ടേഴ്സായ അന്ബറിവാണ് ചിത്രത്തിന് വേണ്ടി ആക്ഷന് രംഗങ്ങള് ഒരുക്കുന്നത്.
ടോവിനോ തോമസ്, ബേസില് ജോസഫ് കൂട്ടുകെട്ടില് ഒരുങ്ങിയ 'മിന്നല് മുരളി' നെറ്റ്ഫ്ളിക്സില് വമ്പന് തരംഗം സൃഷ്ടിച്ചിരുന്നു.
'മിന്നല് മുരളി'ക്ക് പുറമേ 'ബാംഗ്ലൂര് ഡേയ്സ്', 'കാട് പൂക്കുന്ന നേരം', 'മുന്തിരിവള്ളികള് തളിര്ക്കുമ്പോള്', 'പടയോട്ടം' തുടങ്ങിയ ചിത്രങ്ങളാണ് സോഫിയ പോളിന്റെ ഉടമസ്ഥതയിലുള്ള വീക്കെന്ഡ് ബ്ലോക്ക്ബസ്റ്റേഴ്സ് നിര്മ്മിച്ചിട്ടുള്ള ചിത്രങ്ങള്.
പ്രൊഡക്ഷന് കണ്ട്രോളര്- ജാവേദ് ചെമ്പ്, പി.ആര്.ഒ- വാഴൂര് ജോസ്, ശബരി.
Online PR - CinemaNewsAgency.Com