CNA
കൊച്ചി:
കൊച്ചിയില് നടന്നുവരുന്ന ആര്.ഐ.എഫ്.എഫ്.കെയോടനുബന്ധിച്ച് ചലച്ചിത്ര അക്കാദമി അബാദ് പ്ലാസയില് ഏപ്രില് 3ന് രണ്ടു മണിക്ക് മലയാള ചലച്ചിത്ര പ്രവര്ത്തകര്ക്കായി സിംപോസിയം സംഘടിപ്പിക്കുന്നു.
'ഒ.ടി.ടി പ്ലാറ്റ്ഫോമുകളിലെ മലയാള സിനിമയുടെ വിപണന സാധ്യതകള്' എന്നതാണ് സിംപോസിയത്തിന്റെ വിഷയം.
ഒ.ടി.ടി പ്ലാറ്റ്ഫോമുകളില് വരുന്ന മലയാള സിനിമകള്ക്ക് വ്യാപകമായ സ്വീകാര്യത ലഭിച്ചുവരുന്ന സാഹചര്യത്തില് ഈ വേദിയിലേക്കുള്ള പ്രവേശന മാര്ഗങ്ങളെക്കുറിച്ച് ചലച്ചിത്ര വ്യവസായ രംഗത്തു പ്രവര്ത്തിക്കുന്നവര്ക്ക് വ്യക്തമായ അവബോധം പകര്ന്നു നല്കുക എന്നതാണ് ഈ സിംപോസിയത്തിന്റെ ലക്ഷ്യം.
ശ്രീമതി സംഗീത ജനചന്ദ്രന്, (Founder of Stories Social, a company which handles marketing and communications for movies) പ്രശസ്ത നിര്മ്മാതാവ് വിജയ് ബാബു, Neestream തുടങ്ങിയ ഒ.ടി.ടി പ്ലാറ്റ്ഫോമുകളുടെ പ്രതിനിധികള് എന്നിവര് പങ്കെടുക്കും.