ന്യൂസ് ഡെസ്ക്-
ഹൈദ്രാബാദ്::
കൊമരം ഭീം ആയി എന്ടിആര് വേഷമിടുന്ന രാജമൗലി ചിത്രം RRRലെ ക്യാരക്ടര് ടീസര് പുറത്തിറങ്ങി. വ്യത്യസ്തവും ശക്തവുമായ കഥാപാത്രത്തിന്റെ ലുക്കാണെന്നാണ് ക്യാരക്ടര് ടീസര് കണ്ടവരുടെ അഭിപ്രായം. രുധിരം, രൗദ്രം, രണം എന്നാണ് RRR കൊണ്ട് ഉദ്ദേശിക്കുന്നത്. സ്വതന്ത്ര്യസമര നേതാവായിരുന്ന അല്ലൂരി സീതരാമ രാജുവായാണ് നായകന് രാംചരണ് വേഷമിടുക. കോമരം ഭീം, അല്ലൂരി സീതരാമ രാജു തുടങ്ങിയ സ്വാതന്ത്ര്യ സമര സേനാനികളുടെ സാങ്കല്പ്പിക കഥയാണ് ചിത്രം.
തെന്നിന്ത്യയില് നിന്നും ബോളിവുഡില് നിന്നുമുള്ള വന് താരനിരതന്നെയാണ് ഈ ചിത്രത്തിന് വേണ്ടി സ്ക്രീനില് അണിനിരക്കുന്നത്. 450 കോടി മുതല്മുടക്കില് ഒരുങ്ങുന്ന ചിത്രം അജയ് ദേവ്ഗണ്, ആലിയ ഭട്ട്, ഒലിവിയ മോറിസ്, സമുദ്രക്കനി, അലിസണ് ഡൂഡി, റേ സ്റ്റീവന്സണ് എന്നിവരെ മുഖ്യ വേഷങ്ങളില് അവതരിപ്പിക്കുന്നു.
ഡി.വി.വി. ദാനയ്യയാണ് ചിത്രത്തിന്റെ നിര്മ്മാതാവ്. കെ. കെ. സെന്തില്കുമാര് ഛായാഗ്രഹണം നിര്വഹിക്കുന്നു. സംഗീതം എംഎം കീരവാണി. ചിത്രം 2021 ജനുവരി 8ന് പുറത്തിറക്കാനാണ് ഉദ്ദേശിച്ചിരുന്നത്.
കോവിഡ് പ്രതിസന്ധിക്കു ശേഷം ഒക്ടോബര് ആദ്യവാരമാണ് ചിത്രത്തിന്റെ ഷൂട്ടിംഗ് പുനഃരാരംഭിച്ചത്. 'ഇടവേളയല്പ്പം നീണ്ടു പോയി. പക്ഷെ അതെല്ലാം സിനിമയെ മെച്ചമാക്കാന് ഗുണം ചെയ്തുവെന്നാണ് ഞാന് വിശ്വസിക്കുന്നത്. എവിടെ നിര്ത്തിയോ, അവിടെ നിന്നും തുടങ്ങാന് ഞങ്ങളുടെ മുഴുവന് ക്രൂവും സ്ഥലത്തെത്തിയിട്ടുണ്ട്. പ്രേക്ഷകര്ക്ക് മുന്പില് സിനിമയെത്തിക്കാന് ഞങ്ങള് കാത്തിരിക്കുകയാണ്. പിന്തുണച്ച എല്ലാവരോടും നന്ദിയുണ്ട് എന്ന് രാജമൗലി പറഞ്ഞു.
ഹൈദരാബാദിലാണ് ഷൂട്ടിംഗ് പുരോഗമിക്കുന്നത്. ചിത്രം തെലുങ്ക്, ഹിന്ദി, തമിഴ്, മലയാളം, കന്നഡ ഉള്പ്പെടെയുള്ള ഭാഷകളില് പുറത്തിറങ്ങും.