സി എന് എ-
ഹൈദരാബാദ്:
'ബാഹുബലി' എന്ന ഹിറ്റ് ചിത്രത്തിന് ശേഷം എസ്.എസ്. രാജമൗലി സംവിധാനം ചെയ്യുന്ന 'RRR' എന്ന ബ്രഹ്മാണ്ഡ ചിത്രത്തിന്റെ വിതരണ അവകാശം പെന്മൂവീസിന് വിറ്റതായി റിപ്പോര്ട്ട്.
ചിത്രത്തിന്റെ വടക്കേ ഇന്ത്യയുടെ വിതരണ അവകാശം പെന്മൂവീസിന് വിറ്റുപോയെന്നാണ് ഇപ്പോള് പുറത്തുവരുന്ന റിപ്പോര്ട്ടുകള്. താരങ്ങള് ഇക്കാര്യം ഷെയര് ചെയ്തിട്ടുണ്ട്.
വന് തുകയ്ക്കാണ് ഇടപാട് നടന്നതെന്നാണ് പുറത്തുവരുന്നത്. എന്നാല് തുക എത്രയാണെന്ന് ആരും വ്യക്തമാക്കിയിട്ടില്ല.
ജൂനിയര് എന്.ടി.ആറും, രാം ചരണുമാണ് ചിത്രത്തില് പ്രധാന വേഷങ്ങളില് എത്തുന്ന 'RRR'ല് ആലിയ ഭട്ടാണ് നായികയായി എത്തുന്നത്.
ജൂനിയര് എന്.ടി.ആര്. കൊമരു ഭീം ആയും രാം ചരണ് അല്ലൂരി സീതരാമ രാജുവായിട്ടുമാണ് ചിത്രത്തില് എത്തുക.
രുധിരം, രൗദ്രം, രണം എന്നാണ് 'RRR' എന്ന പേര് കൊണ്ട് ഉദ്ദേശിക്കുന്നത്. 'RRR' ചരിത്രവും ഫിക്ഷനും കൂട്ടിചേര്ത്ത ചിത്രമാണ്. കൊമരു ഭീം, അല്ലൂരി സീതരാമ രാജു തുടങ്ങിയ സ്വാതന്ത്ര്യ സമര സേനാനികളുടെ സാങ്കല്പ്പിക കഥയാണ് ചിത്രം.
450 കോടി മുതല്മുടക്കില് ഒരുങ്ങുന്ന ചിത്രത്തില് അജയ് ദേവ്ഗണ്, സമുദ്രക്കനി, ഒലിവിയ മോറിസ്, അലിസണ് ഡൂഡി, റേ സ്റ്റീവന്സണ് തുടങ്ങി തെന്നിന്ത്യയില് നിന്നും ബോളിവുഡില് നിന്നുമുള്ള വന് താരനിരതന്നെ ഈ ബിഗ്ഗ് ബജറ്റ് ചിത്രത്തില് അണിനിരക്കുന്നുണ്ട്.
ഡി.വി.വി. ദാനയ്യയാണ് ചിത്രത്തിന്റെ നിര്മ്മാതാവ്. ഛായാഗ്രഹണം- കെ.കെ. സെന്തില്കുമാര്, സംഗീതം- എം.എം. കീരവാണി. വി. വിജയേന്ദ്ര പ്രസാദാണ് ചിത്രത്തിന്റെ തിരക്കഥ രചിക്കുന്നത്.
10 ഭാഷകളിലാകും ചിത്രം റിലീസിനെത്തുക. 2021ല് തന്നെ സിനിമ റിലീസ് ചെയ്യുമെന്ന പ്രതീക്ഷയിലാണ് അണിയറപ്രവര്ത്തകര്. നിലവിലെ സാഹചര്യമനുസരിച്ച് ഒക്ടോബര് 13 റിലീസ് ചെയ്യുമെന്നാണ് പ്രഖ്യാപിച്ചിരിക്കുന്നത്.
Online PR - CNA.