സി.എന്.എ.
ഹൈദരബാദ്:
രാം ചരണ്, ജൂനിയര് എന്.ടി.ആര്. എന്നിവരെ നായകന്മാരാക്കി രാജമൗലി ഒരുക്കുന്ന 'ആര്ആര്ആര്' എന്ന ബ്രഹ്മാണ്ഡ ചിത്രത്തിന്റെ റിലീസ് പ്രഖ്യാപിച്ചു. 2022 ജനുവരി 7ന് ചിത്രം റിലീസ് ചെയ്യും.
രാം ചരണും ജൂനിയര് എന്.ടി.ആറിനും പുറമേ ആലിയ ഭട്ടും അജയ് ദേവ്ഗണും ചിത്രത്തില് പ്രധാന വേഷങ്ങളിലെത്തുന്നുണ്ട്. ജൂനിയര് എന്ടിആര് കൊമരു ഭീം ആയും രാം ചരണ് അല്ലൂരി സീതരാമ രാജുവായിട്ടുമാണ് ചിത്രത്തില് എത്തുന്നത്.
ഒലിവിയ മോറിസ്, സമുദ്രക്കനി, അലിസണ് ഡൂഡി, റേ സ്റ്റീവന്സണ് തുടങ്ങി വന് താരനിരയെയാണ് രാജമൗലി അണിനിരത്തുന്നത്.
450 കോടി മുതല് മുടക്കില് ഒരുങ്ങിയ ചിത്രം റിലീസിന് മുമ്പ് തന്നെ 325 കോടി നേടി. ഡിജിറ്റല് സാറ്റലൈറ്റ് അവകാശത്തിലൂടെയാണ് ഈ നേട്ടം. സീ 5, നെറ്റ്ഫഌക്സ്, സ്റ്റാര്ഗ്രൂപ്പ് തുടങ്ങിയ കമ്പനികളാണ് ചിത്രത്തിന്റെ അവകാശം സ്വന്തമാക്കിയത്.
തമിഴ്, തെലുങ്ക്, ഹിന്ദി, കന്നട, മലയാളം എന്നീ ഭാഷകള്ക്ക് പുറമെ വിദേശ ഭാഷകളിലും ചിത്രം ഇറങ്ങും.
'രൗദ്രം രണം രുധിരം' എന്നതിന്റെ ചുരുക്കെഴുത്താണ് 'ആര്ആര്ആര്'.
ജൂനിയര് എന്ടിആര്, രാംചരണ്, അജയ് ദേവ്ഗണ്, സമുദ്രക്കനി, അലിയ ഭട്ട്, ശ്രിയാ ശരണ്, ഒലിവിയ മോറിസ്, റേ സ്റ്റീവെന്സണ്, അലിസണ് ഡൂഡി തുടങ്ങി വന് താരനിരയെയാണ് രാജമൗലി അണിനിരത്തുന്നത്.
ബോളിവുഡിലെയും ടോളിവുഡിലേയും പ്രമുഖ താരങ്ങളാണ് ഈ ചിത്രത്തില് അണിനിരക്കുന്നത്. വി. വിജയേന്ദ്രപ്രസാദാണ് ചിത്രത്തിന്റെ തിരക്കഥ.