CNA
കൊച്ചി:
ഏറെ കൗതുകകരമായ 'പടച്ചോനേ ങ്ങള് കാത്തോളി' എന്ന ചിത്രത്തിന്റെ ശ്രദ്ധേയമായ വിജയത്തിനു ശേഷം ബിജിത്ത് ബാല സംവിധാനം ചെയ്യുന്ന പുതിയ ചിത്രമാണ് 'RX100' റോണക്സ് സേവ്യര് എന്ന ടാഗ് ലൈനോടെ എത്തുന്ന എന്ന ഈ ചിത്രം.
നവ തേജ് ഫിലിംസിന്റെ ബാനറില് സുജന് കുമാറാണ് ഈ ചിത്രം നിര്മ്മിക്കുന്നത്.
പുത്തന് തലമുറയുടെ കാഴ്ച്ചപ്പാടുകളുമായി കഴിയുന്ന റോണക്സ് സേവ്യര് എന്ന യുവാവിന്റെ കഥയാണ് ഈ ചിത്രത്തിലൂടെ അവതരിപ്പിക്കുന്നത്.
സംഘര്ഷങ്ങളും, ആത്മബന്ധങ്ങളും, കിടമത്സരങ്ങളും, ആക്ഷനും പ്രണയവുമൊക്കെ ഈ ചിത്രത്തിന് അകമ്പടിയോടെ എത്തുന്നുണ്ട്.
പുത്തന് തലമുറക്കാരുടെ വികാരവിചാരങ്ങള്ക്ക് ഏറെ പ്രാധാന്യം നല്കുന്ന ഒരു ക്ലീന് എന്റെര്ടൈനറാണ് ഈ ചിത്രമെന്ന് സംവിധായകനായ ബിജിത്ത് ബാല പറഞ്ഞു. ശ്രീനാഥ് ഭാസിയാണ് ഈ ചിത്രത്തിലെ കേന്ദ്ര കഥാപാത്രമായ റോണക്സ് സേവ്യറിനെ അവതരിപിക്കുന്നത്.
മലയാളത്തിലെ നിരവധി പ്രമുഖ താരങ്ങളും ഈ ചിത്രത്തില് അണിനിരക്കുന്നുണ്ട്.
കഥ, തിരക്കഥ, സംഭാഷണം യതി & ബിജു ആര്. പിള്ള.
ഹരിനാരായണന്, നിധേഷ് നടേരി എന്നിവരുടെ വരികള്ക്ക് ഗോപി സുന്ദര് ഈണം പകര്ന്നിരിക്കുന്നു.
അജയന് വിന്സന്റൊണ് ഛായാഗ്രാഹകന്.
ഇപ്പോള് തെലുങ്കു സിനിമയില് ഏറ്റവും തിരക്കുള്ള ഛായാഗ്രാഹകനായ അജയന് വിന്സന്റ് നല്ലൊരു ഇടവേളക്കുശേഷം മലയാളത്തില് എത്തുന്ന ചിത്രം കൂടിയാണിത്.
എഡിറ്റിംഗ്- ജോണ് കുട്ടി, കലാസംവിധാനം- അര്ക്കന് എസ്. കര്മ്മ, മേക്കപ്പ്- രതീഷ് അമ്പാടി, കോസ്റ്റ്യൂം ഡിസൈന്- സമീരാ സനീഷ്, ചീഫ് അസ്സോസ്സിയേറ്റ് ഡയറക്ടര്- ഗിരീഷ് മാരാര്, ആക്ഷന്- ജോളി ബാസ്റ്റിന്, കോറിയോഗ്രാഫി- പ്രസന്ന, പബ്ലിസിറ്റി ഡിസൈന്- അനൂപ് രഘുപതി, പ്രൊജക്റ്റ് ഡിസൈനര്- മുസ്തഫാ കമാല്, പ്രൊഡക്ഷന് കണ്ട്രോളര്- പ്രവീണ് എടവണ്ണപ്പാറ.
ജനവരി ഇരുപത്തിരണ്ടിന് ഫോര്ട്ട് കൊച്ചിയില് ഈ ചിത്രത്തിന്റെ ചിത്രീകരണം ആരംഭിക്കുന്നു.
- വാഴൂര് ജോസ്.
Online PR - CinemaNewsAgency.Com