CNA
കൊച്ചി:
എം. ശശികുമാര്‍, നിക്കി ഗല്‍ റാണി എന്നിവരെ കേന്ദ്ര കഥാപാത്രമാക്കി കെ.വി കതിര്‍വേലു സംവിധാനം ചെയ്യുന്ന 'രാജവംശം' എന്ന ചിത്രം ഡിസംബര്‍ പത്തിന് തീയെറ്ററുകളിള്‍ പ്രദര്‍ശനത്തിനെത്തും.
വ്യവസായിയും, നിര്‍മ്മാതാവുമായ സോജന്‍ വര്‍ഗ്ഗീസിന്റെ ഉടമസ്ഥതയിലുള്ള എസ്തര്‍ ഗ്ലോബല്‍ എന്റര്‍ടൈന്‍മെന്റാണ് 'രാജവംശം' എന്ന തമിഴ് ചിത്രം കേരളത്തില്‍ വിതരണം ചെയ്യുന്നത്.
ഈ ചിത്രത്തിന്റെ വിതരണത്തോടെ എസ്തര്‍ ഗ്ലോബല്‍ എന്റര്‍ടൈന്‍മെന്റ് മലയാളം, തമിഴ് സിനിമാ നിര്‍മ്മാണ വിതരണ രംഗത്ത് സജീവമാകുകയാണ്.
ചിത്രത്തില്‍ എം. ശശികുമാര്‍, നിക്കി ഗല്‍ റാണി എന്നിവര്‍ക്ക് പുറമേ യോഗി ബാബു, രാധാരവി, സതീഷ്, വിജയകുമാര്‍, രേഖ, സുമിത്ര, നിരോഷ, മനോബാല, രാജ് കപൂര്‍, സിങ്കം പുലി, ഒ എ കെ സുന്ദര്‍, നമോ നാരായണന്‍, തമ്പി രാമയ്യ, ജയ പ്രകാശ്, ചാംസ് തുടങ്ങി വന്‍ താരനിര തന്നെ അഭിനയിക്കുന്നുണ്ട്.
ഫാമിലി ആക്ഷന്‍ ജോണറിലുള്ള ഈ ചിത്രത്തിന് കഥയും തിരക്കഥയും സംഭാഷണവുമൊരുക്കിയിരിക്കുന്നത് സംവിധായകന്‍ കെ.വി കതിര്‍വേലുവാണ്.
ചെന്ദൂര്‍ ഫിലിം ഇന്റര്‍നാഷണലിന്റെ ബാനറില്‍ ടി.ഡി രാജ, ഡി. ആര്‍ സഞ്ജയ് കുമാര്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
ഛായാഗ്രഹണം: സിദ്ധാര്‍ത്ഥ് രാമസ്വാമി, സംഗീതം: സാം സി എസ്, എഡിറ്റര്‍: വി.ജെ സാബു ജോസഫ്, കലാ സംവിധാനം: സുരേഷ് കല്ലേരി, കൊറിയോഗ്രഫി: രാജു സുന്ദരം, സന്ദി, ദസ്ഥ, സംഘട്ടനം: ദിലീപ് സുബ്ബ രായന്‍ എന്നിവരാണ് ചിത്രത്തിന്റെ പിന്നണിയിലുള്ളത്.
വിതരണത്തിന് പുറമെ തമിഴിലും മലയാളത്തിലുമായി രണ്ട് സിനിമകളുടെ നിര്‍മ്മാണവും എസ്തര്‍ ഗ്ലോബല്‍ എന്റര്‍ടൈന്‍മെന്റ് ഏറ്റെടുത്തു കഴിഞ്ഞു. പി ആര്‍ ഒ- എം കെ ഷെജിന്‍ ആലപ്പുഴ.
വാര്‍ത്ത പ്രചരണം- എം.എം. കമ്മത്ത്
Online PR - CinemaNewsAgency.Com
