സി എന് എ-
ചെന്നൈ:
ആരോഗ്യപ്രശ്നങ്ങള് ഉള്ളതിനാല് തെരഞ്ഞെടുപ്പ് രാഷ്ട്രീയത്തിലേക്കില്ലെന്നും പുറത്തു നിന്നു കൊണ്ട് ജനങ്ങളെ സേവിക്കുമെന്നും തെന്നിന്ത്യന് സൂപ്പര് താരം രജനീകാന്ത്.
ജനങ്ങള്ക്കു നല്കിയ വാക്കു പാലിക്കാന് കഴിയാത്തതില് കടുത്ത വേദനയുണ്ട്. ആരോഗ്യപ്രശ്നങ്ങള് മൂലം പിന്മാറുകയാണെന്നും തന്നെ വിശ്വസിച്ച് ഇറങ്ങിയ പ്രവര്ത്തകര് നിരാശരാകരുതെന്നും രജനികാന്ത് പറഞ്ഞു.
ഉയര്ന്ന രക്തസമ്മര്ദം കാരണം ആശുപത്രിയില് പ്രവേശിപ്പിച്ച രജനിയെ രണ്ടു ദിവസം മുമ്പാണ് ഡിസ്ചാര്ജ് ചെയ്തത്. ഡോക്ടര്മാര് ഒരാഴ്ച സസമ്പൂര്ണ വിശ്രമം നിര്ദേശിച്ചിട്ടുണ്ട്. ജനുവരിയില് പാര്ട്ടി രൂപീകരിക്കുമെന്നും 2021ലെ നിയമസഭാ തെരഞ്ഞെടുപ്പില് മത്സരിക്കുമെന്നും വിജയം നേടുമെന്നും രജനികാന്ത് പ്രഖ്യാപിച്ചിരുന്നു.
ജനങ്ങളെ സേവിക്കുന്ന പാര്ട്ടി എന്നര്ഥം വരുന്ന 'മക്കള് സേവൈ കച്ചി' എന്ന പേരിലാണ് രജനീകാന്ത് പാര്ട്ടി രൂപീകരിക്കുകയെന്ന് മുന്പ് വാര്ത്തകള് വന്നിരുന്നു. പിന്നീട് അത് മാറ്റി 'മക്കള് സേവൈ കച്ചി' എന്ന പേരില് പൊതുരംഗത്ത് സജീവമാകാനായിരുന്നു ശ്രമം.