അഞ്ജു അഷറഫ്-
കൊച്ചി:
ആരാധകരെ സംബന്ധിച്ചിടത്തോളം ആഘോഷങ്ങളില്ലാതെ കടന്നുപോകുന്ന ഒരു ദിനം. മുന്കാലങ്ങളില് രജനിയുടെ ജന്മദിനം തമിഴ്നാട് മുഴുവന് ആഘോഷമാ യിരുന്നു. ഇന്നത്തെ പ്രത്യേക സാഹചര്യത്തില് ആഘോഷങ്ങള് മാറ്റിവെച്ചു കൊണ്ട് കാരുണ്യപ്രവര്ത്തനങ്ങള്ക്ക് കൂടുതല് പ്രാധാന്യം നല്കി രജനി ആരാധകര് സജ്ജരായി കഴിഞ്ഞു.
ഇന്ത്യന് സിനിമയുടെ തന്നെ ശ്രദ്ധാകേന്ദ്രമായി മാറിയ നടനാണ് രജനികാന്ത്. രജനികാന്തിനെ പോലെ ആരാധകരില് ആവേശമുണര്ത്തിയ മറ്റൊരാളെ ചൂണ്ടിക്കാണിക്കാന് കഴിയില്ല. ഇന്ത്യന്യില് മാത്രമല്ല ഇന്ത്യക്ക് പുറത്ത് കൂടുതല് രാജ്യങ്ങളില് പ്രദര്ശിപ്പിക്കപ്പെടുന്നതും വലിയ രീതിയില് കളക്ഷന് നേടുന്നതും രജനീകാന്തിന്റെ സിനിമകളാണ്. രജനീകാന്തിന്റെ സ്റ്റൈലും രജനി ചിത്രങ്ങള് ഉയര്ത്തിയ തരംഗവുമാണ് പ്രേക്ഷകരെ സ്വാധീനിച്ചത്. അങ്ങനെ ഒരു സ്വാധീന വലയം ഉണ്ടാക്കാന് മറ്റൊരു നടനും കഴിഞ്ഞില്ല എന്നതും ശ്രദ്ധേയമാണ്.
സാധാരണ രജനീകാന്തിന്റെ പിറന്നാള് ദിനങ്ങള് തമിഴ്നാട്ടില് വലിയ ആഘോഷമായി കൊണ്ടാടാറുണ്ട്. എഴുപതാം പിറന്നാള് ദിനത്തില് രജനിയുടെ രാഷ്ട്രീയപരമായ പുതിയ തീരുമാനങ്ങള് ഉണ്ടാകാന് സാധ്യതയുണ്ടെന്നും രാഷ്ട്രീയ നിരീക്ഷകര് കണക്ക് കൂട്ടുന്നു. ഏതായാലും മുന് പ്രവചനം പോലെ ഡിസംബര് 31ന് രജനികാന്തിന്റെ പാര്ട്ടി പ്രഖ്യാപനമുണ്ടാകും. ജനുവരി ഒന്നാം തീയതി പ്രവര്ത്തനമാരംഭിക്കുകയും ചെയ്യും. അതിന്റെ ആവേശത്തിലും ഉത്സാഹത്തിലുമാണ് രജനി മക്കള് മന്ട്രം.
രജനീകാന്ത് (ശിവാജി റാവു ഗെയ്ക്ക്വാഡ്. ജനനം: ഡിസംബര് 12, 1950). അഭിനയത്തിനു പുറമേ നിര്മ്മാതാവ്, തിരക്കഥാകൃത്ത് എന്നീ നിലകളിലും രജനീകാന്ത് പ്രവര്ത്തിച്ചിട്ടുണ്ട്. ആക്ഷന് പടങ്ങളിലൂടെയാണ് രജനീകാന്ത് ഉയരങ്ങളുടെ സിംഹാസനത്തില് അവരോധിക്കപ്പെട്ടതെങ്കിലും നാല് തവണ മികച്ച നടനുള്ള തമിഴ്നാട് സംസ്ഥാന ചലച്ചിത്ര അവാര്ഡ് ലഭിക്കുകയുണ്ടായി. ചലച്ചിത്ര വേദിക്കു നല്കിയ സംഭാവനകളെ മുന്നിര്ത്തി ഭാരതസര്ക്കാര് രണ്ടായിരത്തില് പത്മഭൂഷണ് നല്കി ആദരിച്ചു. 2016 ല് അദ്ദേഹത്തിന് പത്മവിഭൂഷന് നല്കി. ഇന്ത്യന് സിനിമയിലെ മികവിനുള്ള ഷെവലിയര് ശിവാജി ഗണേശന് അവാര് ഡ്, 45ാമത് അന്താരാഷ്ട്ര ചലച്ചിത്രമേളയില് വെച്ച് (2014) 'ശതാബ്ദി അവാര്ഡ്', ഇന്റര്നാഷണല് ഫിലിം ഫെസ്റ്റിവല് ഓഫ് ഇന്ത്യയുടെ (2019) അമ്പതാം പതിപ്പില് ഐക്കണ് ഓഫ് ഗ്ലോബല് ജൂബിലിഅവാര്ഡ് എന്നിവ രജനീകാന്തിന് ലഭിച്ചു.
ചലച്ചിത്ര നടന് എന്നതിനപ്പുറത്ത് താനൊരു പച്ചയായ മനുഷ്യനാണെന്ന് തെളിയിക്കുന്നതായിരുന്നു രജനീകാന്തിന്റെ ജീവിതം. ചമയങ്ങള് അഴിച്ചു സിംഹാസനത്തില് നിന്നും താഴേക്കിറങ്ങി വരാന് അദ്ദേഹത്തിന് ഒരു മടിയുമില്ലായിരുന്നു. അത് തന്നെയാണ് രജനീകാന്ത് എന്ന മനുഷ്യനെ മറ്റുള്ളവരില് നിന്നും വേറിട്ട് നിര്ത്തുന്ന പ്രധാന ഘടകം.
'Whether you drive a BMW or Maruthi, the road remains the same.
Whether you fly Economy or Business Class, your destination doesn't change.
Whether you wear Titan or Rolex, time remains the same.
Wether you use a Samsung or Apple, the people who call you are the same.
There is nothing wrong about dreaming about a luxurious life.
What needs to be seen is that need doesn't become greed, because needs can always be met...
but greed can never be fulfilled.'
-Rajnikanth