സി എന് എ-
ഹൈദരാബാദ്:
രക്തസമ്മര്ദം ഉയര്ന്നതിനെ തുടര്ന്ന് ആശുപത്രിയില് പ്രവേശിപ്പിച്ച തമിഴ്നടന് രജനികാന്ത് ആശുപത്രിവിട്ടു.
രക്തസമ്മര്ദ്ധം സാധാരണ നിലയിലേക്കെത്തുകയും ആരോഗ്യസ്ഥിതി മെച്ചപ്പെട്ടതിനാലുമാണ് ഡിസ്ചാര്ജ് ചെയ്തതെന്ന് അപ്പോളോ ആശുപത്രി അധികൃതര് അറിയിച്ചു.
ആശുപത്രിവിട്ടാലും ഒരാഴ്ച്ചത്തെ പൂര്ണ്ണ വിശ്രമം ആവശ്യമാണെന്ന് ഡോക്ടര്മാര് നിര്ദ്ദേശിച്ചു. ശാരീരിക അധ്വാനം പാടില്ലെന്നും സമ്മര്ദ്ദം ഒഴിവാക്കണമെന്നും നിര്ദ്ദേശം നല്കിയിട്ടുണ്ട്.
കൊറോണ വൈറസ് സമ്പര്ക്കം ഉണ്ടാകാതെ നോക്കണമെന്നും നിര്ദ്ദേശിച്ചിട്ടുണ്ട്. ഹൈദരാബാദ് റാമോജി ഫിലിം സിറ്റിയില് 'അണ്ണാത്തെ'യുടെ ഷൂട്ടിംഗിനിടയില് എട്ടുപേര്ക്ക് കോവിഡ് പോസിറ്റീവ് ആയതിനെ തുടര്ന്ന് ഷൂട്ടിംഗ് നിര്ത്തിവെക്കുകയും രജനീകാന്ത് ചെന്നൈയില് മടങ്ങിയെത്തുകയുമായിരുന്നു.
വീട്ടില് വിശ്രമത്തിലായിരുന്ന രജനീകാന്തിനെ രക്തസമ്മര്ദ്ദത്തിലുണ്ടായ വ്യതിയാനത്തെ തുടര്ന്ന് കഴിഞ്ഞ വെള്ളിയാഴ്ചയാണ് ഹൈദരാബാദിലെ അപ്പോളോ ആശുപത്രിയില് പ്രവേശിപ്പിച്ചത്.