സി എന് എ-
ചെന്നൈ:
സൂപ്പര് സ്റ്റാര് രജനീകാന്തിന്റെ പാര്ട്ടിയുടെ പേര് 'മക്കള് സേവൈ കക്ഷി' എന്നായിരിക്കും. ചിഹ്നം ഓട്ടോ റിക്ഷയാണ്.
നേരത്തെ 'മക്കള് ശക്തി കഴകം' എന്ന പേരും ബാബ മുദ്ര ചിഹ്നവുമാണ് പരിഗണിച്ചിരുന്നത്. പിന്നീട് പേര് മാറ്റാനും ഓട്ടോറിക്ഷ പുതിയ ചിഹ്നമായി ലഭിക്കാനും തെരഞ്ഞെടുപ്പ് കമ്മീഷനെ സമീപിക്കുകയായിരുന്നു. എന്നാല് പാര്ട്ടിയുടെ പേരോ ചിഹ്നമോ സംബന്ധിച്ച് രജനീകാന്തോ, പാര്ട്ടി ഓഫീസോ ഔദ്യോഗികമായി പ്രതികരിച്ചിട്ടില്ല. ആരാധക കൂട്ടായ്മയായ രജനി മക്കള് മന്ട്രവുമായുള്ള കൂടിക്കാഴ്ചയ്ക്ക് ശേഷം ഡിസംബര് 31 ന് പാര്ട്ടി പ്രഖ്യാപനം ഉണ്ടാകുമെന്നും ജനുവരിയില് പുതിയ പാര്ട്ടി പ്രവര്ത്തനം ആരംഭിക്കുമെന്നും രജനീകാന്ത് പ്രഖ്യാപിച്ചിരുന്നു. തമിഴ്നാട്ടില് ഭരണം പിടിക്കുകയാണ് ലക്ഷ്യമെന്നും രജനിവ്യക്തമാക്കിയിരുന്നു.
അതെ സമയം വളരെ തിരക്കിട്ട രാഷ്ട്രീയ നീക്കങ്ങള്ക്കിടയില് രജനീകാന്ത് 'അണ്ണാത്തെ'യുടെ ഷൂട്ടിംങിനായി ഹൈദരാബാദിലേക്ക് പോവുകയും ചെയ്തു.