Editor - MM Kamath
തിരു:
പി. പ്രകാശ് തിരക്കഥയെഴുതി ജിതിന്കുമ്പുക്കാട്ട് സംവിധാനം ചെയ്ത മലയാള ഹ്രസ്വചിത്രമാണ് 'രാക്ഷസന്'.
വിവിധ ചലച്ചിത്രമേളകളില് നിരവധി അവാര്ഡുകള് കരസ്ഥമാക്കിയ ഈ കുഞ്ഞുചിത്രത്തിന് ഒടുവിലായി ലഭിച്ച അംഗീകാരം 'ഹാര്ട്ട് ഓഫ് യൂറോപ്പ് ഇന്റര്നാഷണല് ഫിലിം ഫെസ്റ്റിവലില്' മികച്ച ശബ്ദസങ്കലന വിഭാഗത്തിലേക്കുള്ള ഒഫീഷ്യല് സെലക്ഷനാണ്.
'ഉറുമി' അടക്കമുള്ള മലയാള ചിത്രങ്ങളിലൂടെ ശ്രദ്ധേയനായ ആനന്ദ് ബാബുവാണ് ഈ ഹ്രസ്വചിത്രത്തിന്റെ ശബ്ദസങ്കലനം നിര്വ്വഹിച്ചിരിക്കുന്നത്.
മുന്പ് എസ്ടോണിയയില് നടന്ന ഒണിക്കോ ഫിലിം അവാര്ഡില് (Onyko Film Award) മികച്ച സൗണ്ട് ട്രാക്കിനുള്ള അവാര്ഡ് ചിത്രത്തിന്റെ സംഗീതം നിര്വ്വഹിച്ച സിബുസുകുമാരന് നേടിയിരുന്നു. കൂടാതെ U.K യില് നടക്കുന്ന ലിസ്റ്റ് ഓഫ് ഓണ്ലൈന് സെഷന്സ്, ഫസ്റ്റ് ടൈം ഫിലിം മേക്കര് ഓണ്ലൈന്, സെഷന്സ് ബൈ ലിഫ്റ്റ് ഓഫ് ഗ്ലോബല് നെറ്റ്വര്ക്ക് തുടങ്ങിയ ചലച്ചിത്ര മേളകളിലേക്കും ചിത്രം സെലക്ട് ചെയ്യപ്പെട്ടിട്ടുണ്ട്.
മാധവം മൂവിസിന്റെ ബാനറില് ബിജേഷ് നായര് നിര്മ്മിച്ച ചിത്രത്തില് അന്തരിച്ച പ്രമുഖ സിനിമസീരിയല് നടന് രമേശ് വലിയശാല 'രാക്ഷസന്' എന്ന ടൈറ്റില് റോള് അവതരിപ്പിച്ചിരിക്കുന്നു. ഇദ്ദേഹത്തിന്റെ വിയോഗം സിനിമയ്ക്ക് പിന്നണിയില് പ്രവര്ത്തിച്ചവരെ ദുഃഖത്തിലാഴ്ത്തിയിട്ടുണ്ട്.
രമേശ് വലിയശാല, ബിജിരാജ് കാളിദാസ, ഘനശ്യാം, അഹല്യ, വീണ, ശിവകൃഷ്ണ, അപര്ണ എന്നിവരാണ് ചിത്രത്തിലെ അഭിനേതാക്കള്.
'മാംസ നിബദ്ധമല്ല രാഗം' എന്ന ആശയം പങ്കുവെയ്ക്കുന്ന ഈ ചിത്രത്തിന്റെ സംവിധായകന് മികച്ച എഡിറ്ററും DI കളറിസ്റ്റും കൂടിയാണ്. 'തുരീയം' എന്ന മലയാള ചലച്ചിത്രത്തിന്റെ സംവിധായകനായ ഇദ്ദേഹം പുതിയ മലയാളചിത്രങ്ങളുടെ തിരക്കിലാണ്.
എഡിറ്റിംഗ് & സംവിധാനം: ജിതിന് കുമ്പുക്കാട്ട്, നിര്മ്മാണം: ബിജേഷ് നായര്, കഥ, തിരക്കഥ : പി. പ്രകാശ്, ഛായാഗ്രഹണം: ജി.കെ നന്ദകുമാര്, സംഗീത സംവിധാനം: സിബു സുകുമാരന്, ശബ്ദസങ്കലനം: ആനന്ദ് ബാബു, കലാസംവിധാനം :രഞ്ജിത്. എസ്, പ്രൊഡക്ഷന് കണ്ട്രോളര്: ശിവകൃഷ്ണ, പി ആര് ഒ: അജയ് തുണ്ടത്തില്.
Online PR - CinemaNewsAgency.Com