സി എന് എ-
കൊച്ചി:
കവിയും ചലച്ചിത്ര ഗാനരചയിതാവുമായ എസ്. രമേശന് നായര് അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.
കോവിഡ് ബാധയെ തുടര്ന്ന് ചികിത്സയിലിരിക്കെയാണ് അന്ത്യം. 73 വയസായിരുന്നു.
2010ലെ കേരളസാഹിത്യ അക്കാദമിയുടെ സമഗ്രസംഭാവനയ്ക്കുള്ള പുരസ്കാരവും, ആറാം വെണ്ണിക്കുളം സ്മാരക പുരസ്കാരവും ആശാന് പുരസ്കാരവും ലഭിച്ചിട്ടുണ്ട്.
ഗുരുപൗര്ണ്ണമി എന്ന കാവ്യ സമാഹാരത്തിനു 2018 ലെ കേന്ദ്ര സാഹിത്യ അക്കാദമി പുരസ്കാരം ലഭിച്ചിട്ടുണ്ട്.
1948 മേയ് 3ന് കന്യാകുമാരി ജില്ലയിലെ കുമാരപുരത്തായിരുന്നു ജനനം. പരേതരായ ഷഡാനനന് തമ്പിയും പാര്വ്വതിയമ്മയുമാണ് മാതാപിതാക്കള്.
1985ല് പുറത്തിറങ്ങിയ 'പത്താമുദയം' എന്ന ചലച്ചിത്രത്തിലെ ഗാനങ്ങള് രചിച്ചുകൊണ്ടാണ് മലയാളചലച്ചിത്ര രംഗത്തേക്ക് പ്രവേശിക്കുന്നത്.
ഭക്തിഗാനങ്ങള് ഉള്പ്പെടെ അഞ്ഞൂറിലധികം ഗാനങ്ങള് രചിച്ചു. തിരുക്കുറല്, ചിലപ്പതികാരം എന്നിവയുടെ മലയാള വിവര്ത്തനവും നിര്വ്വഹിച്ചു.
ഹൃദയവീണ, പാമ്പാട്ടി, ഉര്വശീപൂജ, ദുഃഖത്തിന്റെ നിറം, കസ്തൂരിഗന്ധി, അഗ്രേപശ്യാമി, ജന്മപുരാണം, കളിപ്പാട്ടങ്ങള്, ചരിത്രത്തിന്നു പറയാനുള്ളത് എന്നിവയാണ് പ്രധാന കൃതികള്. കൂടാതെ സ്വാതിമേഘം, അളകനന്ദ, ശതാഭിഷേകം, വികടവൃത്തം തുടങ്ങിയ നാടകങ്ങളും രചിച്ചു.
അഞ്ഞൂറിലധികം ഗാനങ്ങള് രചിച്ചിട്ടുണ്ട്. കേരള ഭാഷാ ഇന്സ്റ്റിറ്റിയൂട്ടില് സബ് എഡിറ്ററായും ആകാശവാണിയില് നിര്മ്മാതാവായും പ്രവര്ത്തിച്ചിട്ടുണ്ട്.
എഴുത്തുകാരിയും റിട്ട. അധ്യാപികമായുമായ പി. രമയാണ് ഭാര്യ. ഏക മകന് മനു രമേശന് സംഗീത സംവിധായകനാണ്.