Editor - MM Kamath
ചെന്നൈ:
ഗായകനും ഡബ്ബിംഗ് ആര്ടിസ്റ്റുമായ രവീന്ദ്രനാഥ് (പാലയാട് രവി) അന്തരിച്ചു. 66 വയസായിരുന്നു.
പ്രശസ്ത ഡബ്ബിംഗ് ആര്ടിസ്റ്റ് ശ്രീജ രവിയുടെ ഭര്ത്താവാണ്.
കോവിഡ് ബാധിതനായിരുന്ന രവീന്ദ്രനാഥ് പിന്നീട് സുഖം പ്രാപിച്ചെങ്കിലും ശ്വാസകോശത്തിലെ അണുബാധയെത്തുടര്ന്ന് ആരോഗ്യം മോശമാകുകയായിരുന്നു. ചൊവ്വാഴ്ച പുലര്ച്ചെ 1.30ഓടെയായിരുന്നു അന്ത്യം.
തലശ്ശേരി ധര്മ്മടം പാലയാട് കൃഷ്ണനിലയത്തില് പരേതരായ പി.വി. കൃഷ്ണന്വൈദ്യരുടെയും അമ്മുവമ്മയുടെയും മകനാണ്.
അന്തരിച്ച പിന്നണിഗായിക പാലയാട് യശോദ സഹോദരിയാണ്. സഹോദരിയ്ക്കൊപ്പം സംഗീത പരിപാടികള് അവതരിപ്പിച്ച കലാരംഗത്തെത്തിയ രവി പിന്നീട് ചില സിനിമകളില് ചെറിയ വേഷങ്ങള് അഭിനയിച്ചു. പിന്നീട് സിനിമകളിലും സീരിയലുകളിലും ഡബ്ബിങ് നിര്വഹിച്ചു.
അന്യഭാഷ സീരിയലുകള് മലയാളത്തിലേക്കും തമിഴിലേക്കും മൊഴിമാറ്റം ചെയ്യുന്ന രവീണ ക്രിയേഷന്സ്, സെവന് ശ്രീ വോയിസ് മീഡിയ എന്നീ സ്ഥാപനങ്ങള് നടത്തിവരികയായിരുന്നു.
ഏക മകള് രവീണ നടിയും ഡബ്ബിങ് ആര്ട്ടിസ്റ്റുമാണ്. മൈഥിലി ഗോവിന്ദന്, ജയലക്ഷ്മി ചന്ദ്രന്, അംബിക പ്രകാശ് എന്നിവരാണ് മറ്റ് സഹോദരങ്ങള്.
ശവസംസ്കാരം ബുധനാഴ്ച രാവിലെ ഒമ്പതിന് ജന്മനാടായ തലശ്ശേരി ധര്മ്മടം പാലയാടുള്ള വീട്ടുവളപ്പില്.