CNA
തിരു:
ചലച്ചിത്ര രംഗത്തെ കുറിച്ചുള്ള ധാരണയുള്ളവരാകണം സിനിമാ നിരൂപണം നടത്തേണ്ടതെന്ന് അസാമീസ് സംവിധായികയും ജൂറി അംഗവുമായ റീമാ ബൊറ.
സിനിമ നിര്മ്മിക്കാനുള്ള ധന സമാഹരണത്തിന് സമൂഹ മാധ്യമങ്ങള് ഉപകരിച്ചിട്ടുണ്ട്. എന്നാല് അതേ മാധ്യമങ്ങളില് തന്റെ ചിത്രത്തെകുറിച്ച് വസ്തുതാ വിരുദ്ധമായ വിശകലനങ്ങള് വന്നിട്ടുണ്ടെന്നും സിനിമാ രംഗത്തെ കുറിച്ച് ധാരണയുണ്ടാക്കിയ ശേഷമാകണം നിരൂപകര് വിമര്ശനതിന് ഇറങ്ങേണ്ടതെന്നും അവര് പറഞ്ഞു. രാജ്യാന്തര ചലച്ചിത്രമേളയോടനുബന്ധിച്ചു ഓപ്പണ് ഫോറത്തില് പങ്കെടുക്കുയായിരുന്നു റീമാ ബൊറ.
സിനിമ നിരൂപണത്തെ അക്കാദമികതലത്തില് നിന്നും സാധാരണക്കാരിലേക്ക് എത്തിക്കാന് നവ മാധ്യമ ചര്ച്ചകള് ഉപകരിക്കുന്നതായി ചര്ച്ചയില് പങ്കെടുത്ത നിരൂപകനായ പി പ്രേമചന്ദ്രന് പറഞ്ഞു. എല്ലാ തരം എഴുത്തുകളും അഭിപ്രായങ്ങളും ഉണ്ടാകണമെന്നും പ്രേക്ഷകരാണ് അഭിപ്രായങ്ങള് വേര്തിരിച്ചെടുക്കേണ്ടതെന്നും സംവിധായകന് കൃഷ്ണേന്ദു കലേഷ് പറഞ്ഞു. എന് മമ്മദ്, ശൈലന്, സ്വാതി ലക്ഷ്മി വിക്രം, ശ്രേയ തുടങ്ങിയവര് പങ്കെടുത്തു.