സി എന് എ-
കൊച്ചി:
കേരളത്തിന്റെ കണ്ണീരായി മാറിയ, പാലക്കാട് അട്ടപ്പാടിയില് ഭക്ഷണം മോഷ്ടിച്ചെന്ന് ആരോപിച്ച് ആള്ക്കൂട്ടം മര്ദ്ദിച്ച് കൊലപ്പെടുത്തിയ മധുവിനെ മലയാളികള് മറക്കാനിടയില്ല.
സാക്ഷര കേരളത്തിന് ഏറെ അപമാനമായ സംഭവമായിരുന്നു അത്. ഈ മധുവിന്റെ ജീവിതമാണ് സംവിധായകന് രഞ്ജിത് സിനിമയാകുന്നു എന്നാണ് സൂചന.
ചിത്രത്തില് മധുവായി എത്തുനത് ഫഹദ് ഫാസയിരിക്കും എന്നാണ് അറിയുന്നത്.
രഞ്ജിത്ത് - ഫഹദ് ഫാസില് കൂട്ടുകെട്ടില് പുതിയൊരു ചിത്രം അണിയറയിലൊരുങ്ങുന്നു എന്ന് സംസാരം മുന്നേ ഉണ്ടായിരുന്നു.
ഫഹദുമായി ഒരു സിനിമ ചെയ്യുന്ന കാര്യത്തില് ഒരു വ്യക്തത വരുത്തിയിരിക്കുകയാണ് സംവിധായകന് രഞ്ജിത്ത്. അടുത്ത ചിത്രത്തിന്റെ തിരക്കഥയുടെ ജോലികളിലാണ് താനെന്നും ഈ ചിത്രം ഫഹദ് ഫാസിലിന് വേണ്ടിയുള്ളതാണെന്നും അദ്ദേഹം വെളിപ്പെടുത്തിയിരിക്കുകയാണ്.
ഇതിനു മുമ്പ് ഒരു ചിത്രത്തില് ഫഹദ് രഞ്ജിത്തിനൊപ്പം പ്രവര്ത്തിച്ചിട്ടുണ്ട്. 2011ല് പുറത്തിറങ്ങിയ 'ഇന്ത്യന് റുപ്പി' ആയിരുന്നു അത്. അതില് ഒരു അതിഥി വേഷമായിരുന്നു ഫഹദ് ചെയ്തതെങ്കില് ഈ പുതിയ ചത്രത്തില് ഒരു മുഴുനീളന് കഥാപാത്രമാകും ഫഹദ് ചെയ്യുക എന്നാണ് അറിയാന് കഴിഞ്ഞത്.
2018ല് മോഹന്ലാല് നായകനായ 'ഡ്രാമ' എന്ന ചിത്രത്തിനു ശേഷം രഞ്ജിത്ത് സംവിധാനം ചെയ്യുന്ന സിനിമയായിരിക്കും ഇത്.
'മലയന്കുഞ്ഞ്' എന്ന സിനിമയുടെ ചിത്രീകരണത്തിലാണ് ഫഹദ് ഇപ്പോള്. അദ്ദേഹത്തിന്റെ അടുത്ത റിലീസിന് ഒരുങ്ങിയിരിക്കുന്ന ചിത്രം 'മാലിക്' ആണ്. 'ഇരുള്' എന്ന സിനിമയുടെ ചിത്രീകരണവും നടന് പൂര്ത്തിയാക്കിയിട്ടുണ്ട്. ഉടന് തന്നെ പുതിയ ചിത്രത്തിന്റെ ഷൂട്ടിംഗ് ആരംഭിക്കുമെന്നാണ് സൂചന.