സി എന് എ-
തിരു:
കോവിഡ് ലോക്ക്ഡൗണ് പശ്ചാത്തലമാക്കി സൂരജ് സുകുമാര് നായര് സംവിധാനം ചെയ്യുന്ന 'റൂട്ട്മാപ്പ്' എന്ന സിനിമയുടെ ചിത്രീകരണം പൂര്ത്തിയായി. കോവിഡ് നിയന്ത്രണങ്ങള് പാലിച്ച് തിരുവനന്തപുരത്തും ചെന്നൈയിലുമായിരുന്നു ഷൂട്ടിംഗ്. ആനന്ദ് മന്മഥന്, ഷാജു ശ്രീധര്, നോബി, സിന്സീര്, ശ്രുതി റോഷന്, നാരായണന്കുട്ടി, സുനില് സുഗത, ജോസ്, സജീര് സുബൈര്, ലിന്ഡ, അപര്ണ, ഭദ്ര എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു.
ഒരു ഫ്ളാറ്റിനുള്ളില് കോവിഡ് കാലത്ത് നടക്കുന്ന പ്രശ്നങ്ങളാണ് സിനിമയുടെ പ്രമേയം.
ആഷിഖ് ബാബു ഛായാഗ്രഹണവും, കൈലാഷ് എസ് ഭവന് എഡിറ്റിംഗും നിര്വഹിക്കുന്നു. ചിത്രത്തിന് സംഗീതമൊരുക്കുന്നത് പ്രശാന്ത് കര്മയും, അശ്വിന് വര്മയും ചേര്ന്നാണ്. കഥ, തിരക്കഥ, സംഭാഷണം അരുണ് കായംകുളം. പദ്മശ്രീ മീഡിയ ഹൗസിന്റെ ബാനറില് ശബരിനാഥാണ് ചിത്രം നിര്മ്മിക്കുന്നത്. കോവിഡ് നിയന്ത്രങ്ങള് മാറിയ ശേഷം തീയറ്ററുകള് തുറക്കുന്നതനുസരിച്ച് മാര്ച്ച് അവസാനത്തോടെ ചിത്രം തീയറ്ററുകളില് തന്നെ പുറത്തിറക്കാനാണ് അണിയറക്കാരുടെ തീരുമാനം.