സി എന് എ-
കൊച്ചി:
കേരളത്തില് ആദ്യമായി സ്റ്റണ്ട് ആര്ട്ടിസ്റ്റുകളും മാസ്റ്റേഴ്സും ചേര്ന്ന് പുതിയൊരു സംഘടന രൂപീകരിച്ചു. SAMA എന്ന ചുരുക്കപ്പേരുള്ള അസോസിയേഷന്റെ ആദ്യയോഗം കോഴിക്കോട് ചേര്ന്നു. യോഗത്തില് അസോസിയേഷന്റെ ലോഗോ പ്രകാശനം എം.എല്.എ. പുരുഷന് കടലുണ്ടി സംവിധായകന് വി.എം. വിനുവിന് നല്കിക്കൊണ്ട് നിര്വ്വഹിച്ചു.
ചടങ്ങില് അസ്സോസിയേഷന് പ്രസിഡണ്ട് അംജത് മൂസ, സെക്രട്ടറി മനോജ് മഹാദേവ, ട്രഷറര് ഷാജി പട്ടിക്കര, വൈസ് പ്രസിഡണ്ട് രാജേഷ് ഗുരുക്കള്, എക്സിക്യൂട്ടീവ് മെമ്പേര്സ് മുരളി ഗുരുക്കള്, രതീഷ് എന്നിവര് സന്നിഹിതരായി. ഈ സംഘടനയുടെ ചെയര്മാന് സ്ഥാനം വഹിക്കുന്നത് പ്രശസ്ത സിനിമാ താരം ദേവന് ആണ്.
ഇത് സ്ത്രീകളും കുട്ടികളും ഉള്പ്പെടുന്ന ഒരു സിനിമാ സ്റ്റണ്ട് സംഘടനയാണ്. സിനിമാ സ്റ്റണ്ടിനാവശ്യമായ എല്ലാവിധ സാമഗ്രികളും ഇവിടെ ലഭ്യമാണ്. മാര്ച്ച് 1 മുതല് കേരളം ഒട്ടാകെ സിനിമാ ലൊക്കേഷനുകളില് ഈ അസോസിയേഷന്റെ സാന്നിദ്ധ്യം ഉണ്ടായിരിക്കുന്നതാണ്.
സെകട്ടറി മനോജ് മഹാദേവ.
Stunt Actors & Master Association (SAMA)