CNA
കൊച്ചി:
മലയാള സിനിമയില് ഇന്വസ്റ്റിഗേറ്റീവ് ചിത്രങ്ങള് ഒരുക്കി ഏറെ ശ്രധേയനായ തിരക്കഥാകൃത്ത് എസ്.എന്. സ്വാമി സംവിധാന രംഗത്തേക്ക് കടക്കുന്നു.
ഏപ്രില് പതിനഞ്ച് വിഷു ദിനത്തില് കൊച്ചിയില് ഈ ചിത്രത്തിന്റെ ചിത്രീകരണം ആരംഭിക്കും.
കാലത്ത് പത്തര മണിക്ക് എറണാകുളം ടൗണ്ഹാളില് നടക്കുന്ന പൂജാ ചടങ്ങോടെയാണ് ചിതീകരണം ആരംഭിക്കുന്നത്.
ലക്ഷ്മി പാര്വ്വതി വിഷന്റെ ബാനറില് .രാജേന്ദ്രപ്രസാദാണ് ഈ ചിത്രം നിര്മ്മിക്കുന്നത്.
കുടുംബ കഥകളില്ക്കൂടിയാണ് എസ്.എന്. സ്വാമിയുടെ തിരക്കഥാ രചന ആരംഭിക്കുന്നത്. സാജന് സംവിധാനം ചെയ്ത ചക്കരയുമ്മ, എന്ന ചിത്രമായിരുന്നു തുടക്കം. വന് വിജയമായിരുന്നു ആ ചിത്രം. പിന്നീട് സി.ബി.ഐ. ഡയറിക്കുറിപ്പ് ഇരുപതാം നൂറ്റാണ്ട്, മൂന്നാം മുറ, ആഗസ്റ്റ് ഒന്ന് തുടങ്ങിയ ത്രില്ലര്, ചിത്രങ്ങളിലൂടെ ശക്തനായി വളര്ന്നു.
അഞ്ചു പരമ്പര വരെ നീണ്ടു നില്ക്കും വിധത്തില് സി.ബി.ഐ ഡയറിക്കുറിപ്പ് ചെന്നെത്തി. പ്രതിനായക വേഷത്തില് തിളങ്ങിയ മൂന്നാം മുറയിലെ സാഗര് ഏലിയാസ് ജാക്കിയും പ്രേഷകര്ക്കു മുന്നിലെത്തി. മലയാളത്തിലെ മികച്ച കൊമേഴ്സ്യല് ഡയറക്റന്മാരായ ജോഷി, കെ. മധു, സിബി മലയില്, സത്യന് അന്തിക്കാട്, ജി.എസ്.വിജയന്, ഐ.വി.ശശി, ഷാജി കൈലാസ്, അമല് നീരദ്, തുടങ്ങിയവര്ക്കു വേണ്ടി തിരക്കഥകള് ഒരുക്കുവാന് എസ്.എന്.സ്വാമിക്ക് അവസരമുണ്ടായി.
കലാധരന്, തുടങ്ങിയവരും അക്കൂട്ടത്തിലെ പ്രധാനികളാണ്.
ഇതുവരേയും അറുപത്തിയേഴു തിരക്കഥകള് രചിച്ചു. ഈ ചിത്രത്തിന്റെ രചനയില്ത്തന്നെ ഇത് തനിക്ക് സ്വന്തമായിത്തന്നെ സംവിധാനം ചെയ്യണമെന്ന് തീരുമാനിച്ചു. ഈ ചിത്രത്തിന്റെ സബ്ജക്റ്റ് തന്നെയാണ് ഇതിനു പ്രേരണയായതെന്ന് എസ്.എന്.സ്വാമി വ്യക്തമാക്കി.
എഴുതിയ ഏതു തിരക്കഥയും എനിക്കു സംവിധാനം ചെയ്യാന് കഴിയുമായിരുന്നു. പക്ഷെ ചെയ്തില്ല. ഈ ചിത്രം അതിനു കാരണമാകുന്നു. അത് എന്താണന്ന് ചിത്രം കാണുമ്പോള് പ്രേഷകനു ബോദ്ധ്യമാകും.
ധ്യാന് ശ്രീനിവാസന് നായകനാകുന്ന ഈ ചിത്രത്തില് അപര്ണ്ണാ ദാസ് നായികയാകുന്നു.
രണ്ജി പണിക്കര്, ഗ്രിഗറി, രഞ്ജിത്ത് തുടങ്ങിയ നിരവധിപ്പേരും ഈ ചിത്രത്തില് അണിനിരക്കുന്നു ജെയ്ക്ക് ബിജോയ് സിന്റേതാണ് സംഗീതം.
ജാക്സണ് ജോണ്സനാണ് ഛായാഗ്രാഹകന്. കലാസംവിധാനം- സിറിള് കുരുവിള.
ശിവരാമകൃഷ്ണനാണ് പ്രധാന സംവിധാന സഹായി.
നിര്മ്മാണ നിര്വ്വഹണം- അരോമ മോഹന്.
- വാഴൂര് ജോസ്.
Online PR - CinemaNewsAgency.Com