Editor - MM Kamath
തിരു:
ഇന്ത്യയ്ക്കകത്തും വിദേശത്തും നിരവധി പുരസ്ക്കാരങ്ങള് കരസ്ഥമാക്കി ശ്രദ്ധേയമായ കാന്തി, ഒരിലത്തണലില്, വിഷ്ണു ഉണ്ണികൃഷ്ണന് നായകനായ റെഡ്റിവര് തുടങ്ങിയ ചലച്ചിത്രങ്ങള് നിര്മ്മിച്ച സഹസ്രാരാ സിനിമാസ് പ്രൈവറ്റ് ലിമിറ്റഡിന് തലസ്ഥാന നഗരിയില് ഓഫീസ്.
വഴുതയ്ക്കാട് കാര്മല് ടവറിന്റെ ഒന്നാം നിലയില് ആരംഭിച്ച ഓഫീസിന്റെ ഉദ്ഘാടനം നിര്വ്വഹിച്ചത് കേരള ചലച്ചിത്ര വികസന കോര്പ്പറേഷന് ചെയര്മാനും പ്രശസ്ത ചലച്ചിത്ര സംവിധായകനുമായ ഷാജി എന് കരുണാണ്.
ചടങ്ങില് കൊച്ചുപ്രേമന്, സുധീര് കരമന, ദിനേശ് പണിക്കര്, പന്തളം ബാലന്, അശോക് ആര് നാഥ്, ബിജു പപ്പന്, പ്രിയാ മേനോന്, അനില് മുഖത്തല, രമേഷ്, ഗോപന് ശാസ്തമംഗലം, ഷൈലജ പി അമ്പു, ശ്രീധരന് കാണി തുടങ്ങി നിരവധി പ്രമുഖര് പങ്കെടുത്തു.
പുറംലോകം കാണാതെ പോകുന്ന മികച്ച മലയാള സിനിമകളെ ലോകസിനിമകള്ക്കൊപ്പം പരിചയപ്പെടുത്തുകയും ഒപ്പം അത്തരം സിനിമകള്ക്കു അന്താരാഷ്ട്ര മാര്ക്കറ്റില് വിപണന സാദ്ധ്യത ഒരുക്കുകയുമാണ് സഹസ്രാരാ സിനിമാസിന്റെ പ്രധാനോദ്ദേശ്യം. നമ്മുടെ നാടിനെയും സംസ്ക്കാരത്തെയും സ്നേഹിക്കുകയും അവ അടയാളപ്പെടുത്തുന്ന സിനിമകള് വാങ്ങാനും തയ്യാറായി നില്ക്കുന്ന വിദേശ ചലച്ചിത്ര കമ്പനികള്ക്കു മുന്നില് അത്തരം സിനിമകളെ എത്തിക്കാനും അതുപോലെ വിദേശത്തുള്ള മികച്ച സിനിമകളെ ഇവിടെ പരിചയപ്പെടുത്താനും സഹസ്രാരയ്ക്ക് പദ്ധതിയുണ്ട്. വിദേശ സിനിമകളെയും ഇന്ത്യന് സിനിമകളെയും ഒപ്പം പ്രത്യേക പരിഗണനയോടു കൂടി മലയാള സിനിമകളെയും ഉള്ക്കൊള്ളിച്ച് മികച്ച ക്യാഷ് അവാര്ഡോടുകൂടിയ പുരസ്കാരങ്ങള് സമ്മാനിക്കുന്ന സഹസ്രാരാ ഇന്റര്നാഷണല് ഫിലിം ഫെസ്റ്റിവലിനും രൂപം നല്കുന്നുണ്ട്. മനസ്സില് സിനിമ സൂക്ഷിക്കുന്ന ഗ്രാമങ്ങളിലുള്ളവരെ കണ്ടെത്തി സിനിമയിലെത്തിക്കാന് ഉതകുന്ന ചലച്ചിത്ര ക്യാമ്പുകള്, പഠനക്കളരികള്, കൂട്ടായ്മകള് തുടങ്ങിയവ കേരളത്തിലങ്ങോളമിങ്ങോളം സംഘടിപ്പിക്കുവാനും സഹസ്രാരയുടെ കര്മ്മ പദ്ധതിയില് ഉള്പ്പെടുത്തിയിട്ടുണ്ട്. അതോടൊപ്പം മലയാളത്തിലും മറ്റു ഭാഷകളിലുമായി മികച്ച സിനിമകളുടെ നിര്മ്മാണവും സഹസ്രാര ഉദ്ദേശിക്കുന്നുണ്ട്.
സന്ദീപ് ആര് ആണ് സഹസ്രാരാ സിനിമാസ് പ്രൈവറ്റ് ലിമിറ്റഡിന്റെ മാനേജിംഗ് ഡയറക്ടര്. 'ഹോളീ വൂണ്ഡാണ് സഹസ്രാരയുടെ അടുത്ത പ്രോജക്ട് .
പി ആര് ഒ- അജയ് തുണ്ടത്തില്.
Online PR - CNA.