സി എന്‍ എ-
മുംബൈ:
ഇന്ത്യന്‍ ബാഡ്മിന്റണ്‍ താരം സൈന നേഹ്‌വാളിന്റെ ബയോപിക് 'സൈന' മാര്‍ച്ച് 26ന് റിലീസ് ചെയ്യും. പരിണീതി ചോപ്രയാണ് ചിത്രത്തില്‍ സൈനയാകുന്നത്.
അമോല്‍ ഗുപ്‌തെയാണ് ചിത്രം സംവിധാനം ചെയ്യുന്നത്.
രണ്ടായിരത്തി പത്തൊമ്പതില്‍ ചിത്രീകരണം ആരംഭിച്ച സിനിമ കഴിഞ്ഞ വര്‍ഷം റിലീസ് ചെയ്യാനാണ് തീരുമാനിച്ചിരുന്നതെങ്കിലും കോവിഡ് സാഹചര്യത്തില്‍ റിലീസ് നീണ്ടുപോകുകയായിരുന്നു.
ചിത്രത്തിന് വേണ്ടി പരിണീതി ചോപ്ര കഠിനമായ ഫിറ്റ്‌നസ് ട്രെയിനിങ്ങുകളും ബാഡ്മിന്റണ്‍ പരീശീലനവും ചെയ്തിരുന്നു.
ആദ്യം ശ്രദ്ധ കപൂര്‍ ആണ് സൈനയുടെ കഥാപാത്രത്തെ അവതരിപ്പിക്കുന്നതെന്നായിരുന്നു തീരുമാനം. ഇതിനായി ശ്രദ്ധ ബാഡ്മിന്റണ്‍ പരീശീലനം ആരംഭിച്ചിരുന്നെങ്കിലും പിന്നീട് മറ്റ് സിനിമകളുടെ തിരക്കു കാരണം അവര്‍ പിന്‍മാറുകയായിരുന്നു. പിന്നാലെയാണ് പരിണീതി ചിത്രത്തിലെത്തുന്നത്.
