സി എന് എ-
ചെന്നൈ:
ഹിറ്റ് സിനിമകളുടെ സംവിധായകനായ സെല്വരാഘവന് നായക കഥാപാത്രത്തെ അവതരിപ്പിക്കുന്ന പ്രഥമ ചിത്രമാണ് 'സാനികായിതം'. മികച്ച അഭിനേത്രി എന്ന നിലയില് ദക്ഷിണേന്ത്യന് സിനിമയുടെ ഭാഗമായി മാറിയ കീര്ത്തി സുരേഷാണ് നായിക. തമിഴില് ഹിറ്റ് ചിത്രങ്ങള് ഒരുക്കി ശ്രദ്ധേയനായ സെല്വരാഘവനെ സംബന്ധിച്ചിടത്തോളം അഭിനയം പുതിയ പരീക്ഷണമാണ്. സിനിമയില് തന്റെ കഥാപാത്രങ്ങള്ക്ക് ഇണങ്ങുന്ന വിധം അഭിനേതാക്കളെ മോള്ഡ് ചെയ്തെടുക്കാറുള്ള സംവിധായകന് തന്റെപുതിയ വേഷപ്പകര്ച്ചയെക്കുറിച്ച് വ്യക്ത മാക്കുകയുണ്ടായി. ഇതൊരു സാഹസികമായ തീരുമാനമാണ്. 'സാനികായിതം' പോലെ അതിശയപ്പെടുത്തു ന്ന ഒരു സിനിമയുടെ ഭാഗമാകാന് കഴിഞ്ഞതില് സന്തോഷവും ആവേശവുമുണ്ടെന്നു പറഞ്ഞ സെല്വരാഘവന് തന്നെ നായകനാക്കി സിനിമ എടുക്കാന് തയ്യാറായ നിര്മ്മാതാക്കളെ അഭിനന്ദിക്കുകയും ചെയ്തു. സെല്വരാഘവനും കീര്ത്തി സുരേഷും പ്രത്യേകമായ രീതിയില് ചേര്ന്നിരിക്കുന്ന സിനിമയുടെ ഫസ്റ്റ് ലുക്ക് പോസ്റ്റര് സെല്വരാഘവന് തന്നെയാണ് പുറത്തുവിട്ടത്. തീവ്രമായ ഒരു കഥാന്തരീക്ഷത്തില് ജീവിക്കുന്ന ശക്തമായ രണ്ട് കഥാപാത്രങ്ങളെയാണ് 'സാനികായിതം'ല് സെല്വരാഘവനും കീര്ത്തി സുരേഷും അവതരിപ്പിക്കുന്നത്.