സി എന് എ-
കൊച്ചി:
ബിലാത്തിക്കുഴലെന്ന ആദ്യ ചിത്രത്തിലൂടെ ശ്രദ്ധ നേടിയ വിനു കോളിച്ചാല് സംവിധാനം ചെയ്ത 'സര്ക്കാസ് സിര്ക 2020' ലെ വീഡിയോ സോങ്ങ് പുറത്തിറക്കി. 'കാട്ടുനീരിന് ചാലിലായ്...' എന്ന് തുടങ്ങുന്ന പ്രണയ ഗാനമാണ് ഈ പ്രണയ ദിനത്തില് പ്രശസ്ത നടി കനി കുസൃതിയുടെ ഫേസ് ബുക്കിലൂടെ പുറത്ത് വിട്ടിരിക്കുന്നത്.
ശേഖര് സുധീറും ദര്ശന രാജേന്ദ്രനും ചേര്ന്നാണ് ഗാനം ആലപിച്ചിരിക്കുന്നത്. ശിവ ഒടയംചാലിന്റെ വരികള്ക്ക് സെല്ജുക് റുസ്തമാണ് സംഗീതമൊരുക്കിയത്. ഗാനം യു ട്യൂബില് പ്രേക്ഷക ശ്രദ്ധ നേടി മുന്നേറുകയാണ്. കഴിഞ്ഞ ദിവസമിറക്കിയ ചിത്രത്തിന്റെ ഫസ്റ്റ് ലുക്ക് പോസ്റ്ററും ശ്രദ്ധ നേടിയിരുന്നു. ഈ വര്ഷം ഏപ്രില് ഒന്നിന് ചിത്രം റിലീസ് ചെയ്യും.
ജിജോ കെ. മാത്യു, ഫിറോസ് ഖാന്, അഭിജ ശിവകല, ഹുസൈന് സമദ്, സുരേഷ് മോഹന്, ആഷിക് ഖാലിദ് എന്നിവരാണ് പ്രധാന വേഷങ്ങള് കൈകാര്യം ചെയ്യുന്നത്. ജോസഫ് എബ്രഹാമും രവീന്ദ്രന് ചെറ്റത്തോടും ചേര്ന്ന് നിര്മ്മിച്ച ചിത്രത്തിന്റെ രചന വി. സുധീഷ് കുമാറും വിനു കോളിച്ചാലും ചേര്ന്നാണ്.
ഛായാഗ്രഹണം: രാം രാഘവ്, ചിത്രസംയോജനം: ആസിഫ് ഇസ്മയില്, സംഗീതം, പശ്ചാത്തല സംഗീതം: സെല്ജുക് റുസ്തം, ഗാനങ്ങള്: ഹരീഷ് പല്ലാരം, മേക്കപ്പ്: സുരേഷ് പ്ലാച്ചിമട, പ്രൊഡക്ഷന് കണ്ട്രോളര്: ഹുസൈന് സമദ്, ശബ്ദ ലേഖനം: സൂരജ് ശങ്കര്, വസ്ത്രാലങ്കാരം: ഗായത്രി കിഷോര്, കല: അനന്തകൃഷ്ണന് ജി. എസ്, വി. സുധീഷ് കുമാര്, കളറിസ്റ്റ്: വിജയകുമാര് വിശ്വനാഥന്, പി. ആര്. ഒ.: നിര്മല് ബേബി വര്ഗീസ്, സ്റ്റില്സ്: ജിനു പി ആന്റോ, ഡിസൈന്: പാലായ് ഡിസൈന്.