CNA
കൊച്ചി:
മലയാളികളുടെ ജനപ്രിയ കൂട്ടുകെട്ട് നിവിന് പോളി, അജു വര്ഗ്ഗീസ് എന്നിവര്ക്കൊപ്പം സിജു വില്സനും, സൈജു കുറുപ്പും ഒന്നിക്കുന്ന, റോഷന് ആന്ഡ്രൂസ് സംവിധാനം ചെയ്യുന്ന 'സാറ്റര്ഡേ നൈറ്റ്' എന്ന ചിത്രത്തിന്റെ ഒഫീഷ്യല് ഫസ്റ്റ് ലുക്ക് പോസ്റ്റര് പുറത്തിറങ്ങി.
അജിത്ത് വിനായക ഫിലിംസിന്റെ ബാനറില് വിനായക അജിത്താണ് ഈ ചിത്രം നിര്മ്മിക്കുന്നത്. ചരിത്ര സിനിമയായ 'കായംകുളം കൊച്ചുണ്ണി'ക്ക് ശേഷം റോഷന് ആന്ഡ്രൂസും നിവിന് പോളിയും വീണ്ടുമൊന്നിക്കുന്ന ഈ ചിത്രത്തില് പ്രതാപ് പോത്തന്, സാനിയ ഇയ്യപ്പന്, മാളവിക ശ്രീനാഥ്, ഗ്രെയ്സ് ആന്റണി, ശാരി, വിജയ് മേനോന്, അശ്വിന് മാത്യു എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
പുത്തന് തലമുറയിലെ യുവാക്കളുടെ സൗഹൃദത്തിന്റെ കഥപറയുന്ന ഒരു ആഘോഷചിത്രമായിരിക്കും 'സാറ്റര്ഡേ നൈറ്റ്' എന്ന സൂചന ചിത്രത്തിന്റെ പോസ്റ്റര് നല്കുന്നുണ്ട്.
പൂജാ റിലീസായി സെപ്തംബര് അവസാനവാരം പുറത്തിറങ്ങുന്ന ഈ ബിഗ് ബഡ്ജറ്റ് കോമഡി എന്റര്ടൈനര് ദുബായ്, ബാംഗ്ലൂര്, മൈസൂര് എന്നിവിടങ്ങളിലായാണ് ചിത്രീകരിച്ചിരിക്കുന്നത്.
ചിത്രത്തിന്റെ പോസ്റ്റ് പ്രൊഡക്ഷന് വര്ക്കുകള് പുരോഗമിക്കുന്നു.
തിരക്കഥ: നവീന് ഭാസ്കര്, ഛായാഗ്രഹണം: അസ്ലം പുരയില്, ചിത്രസംയോജനം: ടി ശിവനടേശ്വരന്, സംഗീതം: ജേക്ക്സ് ബിജോയ്, പ്രൊഡക്ഷന് ഡിസൈനര്: അനീഷ് നാടോടി, മെയ്ക്കപ്പ്: സജി കൊരട്ടി, കോസ്റ്റ്യൂം ഡിസൈനര്: സുജിത്ത് സുധാകരന്, കളറിസ്റ്റ്: ആശിര്വാദ്, ഡി ഐ: പ്രൈം ഫോക്കസ് മുംബൈ, സൗണ്ട് ഡിസൈന്: രംഗനാഥ് രവി, ഓഡിയോഗ്രഫി: രാജാകൃഷ്ണന് എം. ആര്, ആക്ഷന് ഡിറക്ടേഴ്സ്: അലന് അമിന്, മാഫിയാ ശശി, കൊറിയോഗ്രാഫര്: വിഷ്ണു ദേവ, സ്റ്റില്സ്: സലിഷ് പെരിങ്ങോട്ടുകര, പൊമോ സ്റ്റില്സ്: ഷഹീന് താഹ, പ്രൊഡക്ഷന് കണ്ട്രോളര്: നോബിള് ജേക്കബ്, ആര്ട്ട് ഡയറക്ടര്: ആല്വിന് അഗസ്റ്റിന്, മാര്ക്കറ്റിംഗ് കണ്സള്ട്ടന്റ്സ്: വിവേക് രാമദേവന്, ഡിസൈന്സ്: ആനന്ദ് രാജേന്ദ്രന്, ഡിജിറ്റല് മാര്ക്കറ്റിംഗ്: ഹെയിന്സ്, പി.ആര്.ഒ: വാഴൂര് ജോസ്, ശബരി.
Online PR -CinemaNewsAgency.Com