Editor- MM Kamath
തിരു:
2019 ലെ സത്യജിത് റേ ഫിലിം അവാര്‍ഡ് നാളെ, ഒക്‌ടോബര്‍ 6ന് പ്രഖ്യാപിക്കും.
ഇന്ത്യയിലെ മികച്ച സിനിമ സംവിധായകര്‍ക്കോ നടീ നടന്മാര്‍ക്കോ നല്‍കുന്ന പുരസ്‌കാരമാണ് സത്യജിത് റേ അവാര്‍ഡ്.
2016ല്‍ പദ്മവിഭുഷണ്‍ അടൂര്‍ ഗോപാലകൃഷ്ണനും 2017 ല്‍ സത്യജിത് റേയുടെ സിനിമയായ 'ചാരുലത'യിലെ നായികയായ മാധബി മുഖര്‍ജിക്കും 2018 ല്‍ നിര്‍മാതാവും സംവിധായകനും നടനുമായ മോഹന്‍ ശര്‍മയ്ക്കുമാണ് പുരസ്‌കാരം ലഭിച്ചത്.
എന്നാല്‍ കോവിഡ് മഹാമാരി മൂലം 2019, 2020 വര്‍ഷങ്ങളിലെ അവാര്‍ഡുകള്‍ നല്‍കാന്‍ സാധിച്ചിരുന്നില്ല. സംഗീതഞ്ജനും സത്യജിത് റേ ഫിലിം സൊസൈറ്റി രക്ഷധികാരിയുമായ പെരുമ്പാവൂര്‍ ജി. രവീന്ദ്രനാഥ്, ചലച്ചിത്ര സംവിധായകനും സത്യജിത് റേ ഫിലിം സൊസൈറ്റിയുടെ രക്ഷധികാരിയുമായ ബാലു കിരിയത്, ചലച്ചിത്ര സംവിധായകനും സത്യജിത് റേ ഫിലിം സൊസൈറ്റി ചെയര്‍മാനുമായ സജിന്‍ ലാല്‍ എന്നിവരാണ് ജൂറി അംഗങ്ങള്‍.
അഡ്വ. ആര്‍. ബിന്ദു ആണ് സൊസൈറ്റി ജനറല്‍ സെക്രട്ടറി. സത്യജിത് റേ ഫിലിം സൊസൈറ്റി കേരള ചാപ്റ്ററാണ് ഈ പുരസ്‌കാരം നല്‍കുന്നത്.
സത്യജിത് റേ ഫിലിം സൊസൈറ്റിയുടെ ചെയര്‍മാനായി സജിന്‍ ലാല്‍ ഉള്‍പ്പെടെ 25 അംഗ ഭരണസമിതി നിലവില്‍ വന്നു.
അഡ്വ. ബിന്ദു( ജനറല്‍ സെക്രട്ടറി ), പ്രിയങ്ക സതീഷ് ( ഖജാന്‍ജി ), എസ്. ആര്‍. ഭദ്രന്‍, അനിത പ്രസന്നന്‍, ബീന ബാബു( വൈസ് പ്രസിഡന്റ് ), ശ്രീകുമാര്‍ എസ് ( വര്‍ക്കിംഗ് സെക്രട്ടറി ), അഡ്വ. രാജേശ്വരി, ഡോ. ശ്രീദേവി നാരായണന്‍, ബിനി സി. എസ് ( സെക്രട്ടറി ) എന്നിവരോടൊപ്പം 15 അംഗ ബോര്‍ഡ് മെമ്പേഴ്‌സിനെയും തിരഞ്ഞെടുത്തു.
ചലച്ചിത്ര സംവിധായകരായ ബാലുകിരിയത്, ജി. എസ് വിജയന്‍, സുന്ദര്‍ ദാസ്, മോഹന്‍ ശര്‍മ, സംഗീതജ്ഞന്‍ പെരുമ്പാവൂര്‍ ജി. രവീന്ദ്രനാഥ്,
രാജീവ് ആലുങ്കല്‍ എന്നിവരാണ് രക്ഷധികാരികള്‍.
Online PR - CinemaNewsAgency.Com
