മീഡിയ ഡെസ്‌ക്-
പൂനെ:
ഷാരൂഖ് ഖാനെ നായകനാക്കി തമിഴ് സൂപ്പര്‍താര ഹിറ്റ് ചിത്രങ്ങളുടെ സംവിധായകന്‍ ആറ്റ്‌ലി സംവിധാനം ചെയ്യുന്ന ബോളിവുഡ് ചിത്രത്തിന്റെ ഷൂട്ടിംഗ് പൂനെയില്‍ ആരംഭിച്ചതായാണ് റിപ്പോര്‍ട്ട്.
പേരടാത്ത ചിത്രത്തില്‍ നയന്‍താരക്ക് പുറമേ പ്രിയാമണി, സാന്യ മല്‍ഹോത്ര, സുനില്‍ ഗ്രോവര്, യോഗിബാബു തുടങ്ങി ഒരു വലിയ താര നിരതന്നെ കഥാപാത്രങ്ങളെ അവതരിപ്പിക്കുന്നുണ്ടെന്നാണ് വിവരം.
കിംഗ് ഖാന്‍ ചിത്രത്തില്‍ അവതരിപ്പിക്കുന്നത് ഒരു RAW (റിസര്‍ച്ച് ആന്‍ഡ് അനാലിസിസ് വിംഗ്) ഉദ്യോഗസ്ഥനെയാണെന്നായിരുന്നു ആദ്യം പുറന്നുതന്ന റിപ്പോര്‍ട്ടുകള്‍.
കഥാപാത്രത്തിന് ഒന്നിലധികം അപ്പിയറന്‍സുകള്‍ ഉണ്ടാവുമെന്നും വാര്‍ത്തകള്‍ വന്നിരുന്നു. എന്നാല്‍ അച്ഛനും മകനുമായി ഡബിള്‍ റോളിലാണ് ഷാരൂഖ് എത്തുകയെന്നാണ് പുതിയ വിവരം.
