സി എന് എ-
അമ്പലപ്പുഴ:
തിരക്കഥാകൃത്തും സംവിധായകനുമായ ഷാജി പാണ്ഢവത്ത് (63) അന്തരിച്ചു. ഹൃദയശസ്ത്രക്രിയക്ക് ശേഷം വീട്ടില് വിശ്രമിക്കുന്നതിനിടെയുണ്ടായ വീഴ്ചയെ തുടര്ന്ന് കോട്ടയത്ത് സ്വകാര്യ ആശുപത്രിയില് പ്രവേശിപ്പിച്ചിരിക്കുകയായിരുന്നു.
ആവണിക്കുന്നിലെ കിന്നരിപ്പൂക്കള്(കഥ), പ്രായിക്കര പാപ്പാന്, ഗംഗോത്രി, കവചം എന്നി സിനിമകള്ക്ക് തിരക്കഥയും എഴുതിയിട്ടുണ്ട്. ആദ്യ സംവിധാന സംരംഭമായ 'കാക്കത്തുരുത്ത്'(2020) എന്ന സിനിമയുടെ സെന്സറിംഗ് കഴിഞ്ഞിരുന്നു.
സിനിമ തീയേറ്ററില് റിലീസ് ചെയ്യുന്നതിന് കാത്തുനില്ക്കാതെയാണ് ഷാജി പാണ്ഡവത്ത് വിടവാങ്ങുന്നത്. അദ്ദേഹത്തിന്റെ വലിയൊരു ആഗ്രഹമായിരുന്നു ഈ സിനിമ.
ഫ്രെയിം ടു ഫ്രെയിം ബാനറില് മധുസൂദനന് മാവേലിക്കര നിര്മ്മിക്കുന്ന 'കാക്ക തുരുത്തി'ല് പ്രധാന വേഷം ചെയ്യുന്നത് സംവിധായകന് വേണു ബി. നായര് ആണ്. സിനിമയിലെ മറ്റ് എല്ലാ കഥാപാത്രങ്ങളും 'കാക്കതുരുത്തി'ല് ജീവിക്കുന്ന മനുഷ്യര് തന്നെയാണ്.
'കാക്കത്തുരുത്ത്' എന്ന തുരുത്തും അവിടത്തെ മനുഷ്യരുടെ ജീവിതവും ദൃശ്യവല്ക്കരിക്കുന്ന ചിത്രത്തില് വള്ളക്കാരന് വേലച്ചന് എന്ന കഥാപാത്രത്തെയാണ് സംവിധായകന് വേണു ബി നായര് അവതരിപ്പിക്കുന്നത്.
നായികയായ ദേവൂട്ടിയുടെ വേഷത്തില് തുരുത്തു നിവാസിയായ ശ്രീജ അഭിനയിക്കുന്നു. അഡ്വക്കേറ്റ് ഗണേഷ് കുമാര്, രേഷ്മ, കൃഷ്ണന്, കുഞ്ഞുമോന് തുടങ്ങി ഒരുപറ്റം തുരുത്തുവാസികളും ചിത്രത്തില് അഭിനയിച്ചിട്ടുണ്ട്.