സി എന് എ-
മുംബൈ:
രണ്ടുവര്ഷത്തെ നിശബ്ദതയ്ക്ക് വിരാമമിട്ട് ഷാരൂഖാന് മാസ്സ് ലുക്കില് ആടിത്തിമിര്ക്കുന്ന ചിത്രമാണ് പത്താന്. ലോക്ഡൗണില് കുടുങ്ങിയ ചിത്രത്തിന്റെ അവസാന മിനുക്കു പണികളാണ് മുംബൈയിലെ യാഷ് രാജ് സ്റ്റുഡിയോസില് ഇപ്പോള് നടന്നുകൊണ്ടിരിക്കുന്നത്. പത്താന്റെ സെറ്റില് നിന്ന് പുറത്തുവരുന്ന കിംഗ്ഖാന്റെ ചിത്രങ്ങള് ആരാധകരെ ആവേശം കൊള്ളിച്ചിരിക്കുകയാണ്. നീട്ടി വളര്ത്തിയ തലമുടി സ്റ്റൈലായി പിന്നിലേക്ക് ഒതുക്കി ക്ലിപ്പ് വെച്ച് ലോക്ക് ചെയ്ത് ജീന്സും ടീഷര്ട്ടും അണിഞ്ഞ് പ്രായത്തെവെല്ലുവിളിക്കുന്ന ചെറുപ്പക്കാരനായിട്ടാണ് പുതിയ ഷാരൂഖാനെ കാണാന്കഴിയുക. മുമ്പ് കണ്ടിട്ടുള്ള ഷാരൂഖാനില് നിന്ന് വലിയ വ്യത്യാസം ഇപ്പോഴത്തെ ഷാരൂഖാനില്കാണാം. യാഷ് രാജ് സ്റ്റുഡിയോസില് നിന്ന് ഷാരൂഖാന് പുറത്തു വരുമ്പോള് ബോളിവുഡ് പാപ്പരാസികള് പകര്ത്തിയ ചിത്രമാണിത്. 2018ല് ഇറങ്ങിയ 'സീറോ'ആണ് ഷാറൂഖാന്റെ റിലീസായ അവസാന ചിത്രം.
സിദ്ധാര്ത്ഥ് ആനന്ദ് സംവിധാനം ചെയ്യുന്ന പത്താനില് ജോണ്എബ്രഹാമും പ്രധാന കഥാപാത്രത്തെ അവതരിപ്പിക്കുന്നുണ്ട്. ദീപിക പദുക്കോണാണ് നായിക. 'ഓം ശാന്തിഓം', 'ബില്ലു', 'ചെന്നൈ എക്സ്സ്പ്രസ്സ്', 'ഹാപ്പി ന്യൂ ഇയര്' എന്നീ ചിത്രങ്ങള്ക്ക് ശേഷം ഷാരൂഖാനും ദീപിക പദുക്കോണും ജോഡി ചേര്ന്ന് അഭിനയിക്കുന്ന ചിത്രമാണ് 'പത്താന്'.
2014 ലാണ് 'ഹാപ്പി ന്യൂ ഇയര്' റിലീസായത്. ആറു വര്ഷത്തെ ഇടവേളയ്ക്കു ശേഷം ഇരുവരും ഒരുമിച്ച് അഭിനയിക്കുന്ന ചിത്രം ബോളിവുഡില് ഇതിനോടകം ചര്ച്ചാവിഷയമായിക്കഴിഞ്ഞു.