സി എന്‍ എ-
കൊച്ചി:
കനല്‍ച്ചൂളയിലെ പ്രതികാര ദാഹവുമായി 'ഷോലൈ സ്‌ക്രാപ്പ് ഷോപ്പ്' എത്തുന്നു. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി.
സൗഹൃദങ്ങളുടെ അതിര്‍വരമ്പുകള്‍ക്കപ്പുറം സഹോദര സ്‌നേഹത്തിന്റെ തീവ്രത വരച്ചുകാട്ടുന്ന ചിത്രമാണ് 'ഷോലൈ സ്‌ക്രാപ്പ് ഷോപ്പ്'.
പരുക്കനായ നായകസങ്കല്‍പം മലയാള സിനിമയ്ക്ക് അന്യമല്ല, എങ്കിലും ഹൃദയത്തില്‍ തട്ടുന്ന വേദന ഉള്ളിലൊതുക്കി കൊണ്ട് കനല്‍ എരിയുന്ന മനസ്സുമായി ശത്രുവിനോട് പൊരുതുന്ന നായകനെ, വേറിട്ട ഒരു ആഖ്യാനരീതിയിലൂടെയാണ് നവാഗത സംവിധായകനായ സിജു ഖമര്‍ അവതരിപ്പിച്ചിരിക്കുന്നത്.
കൊലപാതകം ഇപ്പോള്‍ നാട്ടില്‍ സര്‍വസാധാരണമായി കൊണ്ടിരിക്കുന്ന അവസ്ഥയില്‍, ഇത്തരം സംഭവകഥകള്‍ വെള്ളിത്തിരയുടെ അഭ്രപാളികളില്‍ കാണുമ്പോഴാണ് ഉറ്റവരെ നഷ്ടപ്പെട്ട വേദന നാം തിരിച്ചറിയുന്നത്.
മിന്നല്‍ വേഗതയില്‍ ചടുലമായ സംഘട്ടനരംഗങ്ങള്‍ 'ഷോലൈ' എന്ന സിനിമയുടെ സുപ്രധാന ഘടകമാണ്. വശ്യത തുളുമ്പുന്ന പ്രണയാര്‍ദ്രമായ ഗാനരംഗങ്ങള്‍ ചിത്രത്തിന് മാറ്റ് കൂട്ടുന്നു.
അയാന്‍ ആദി, രാജേഷ് ഈശ്വര്‍, അരിസ്‌റ്റോ സുരേഷ്, വി കെ ബൈജു, അനീസ് ഖാന്‍, കൃഷ്ണദാസ്, അജിത് സോമദാസ്, ക്ലീറ്റസ്, സ്‌നേഹ വിജീഷ്, ദീപ്തി, തുടങ്ങിയവര്‍ പ്രധാന വേഷത്തില്‍ അഭിനയിക്കുന്നു.
'ഷോലൈ' എന്ന ചിത്രത്തിലെ കഥയും സംവിധാനവും നിര്‍വഹിച്ചിരിക്കുന്നത് സിജു ഖമര്‍ ആണ്. തിരക്കഥ സംഭാഷണം രചിച്ചിരിക്കുന്നത് സിജു ഖമര്‍, അന്‍സാര്‍ ഹനീഫ്, സുജിത് നായര്‍ തുടങ്ങിയവരാണ്. മന്ന മൂവിസിന്റെ ബാനറില്‍ സ്‌കറിയ ചാക്കോ(ബാബു മൂലെ പറമ്പില്‍) സിജു ഖമര്‍ എന്നിവര്‍ ചേര്‍ന്നാണ് നിര്‍മിച്ചിരിക്കുന്നത്.
ചായാഗ്രഹണം കൈകാര്യം ചെയ്യുന്നത് ജഗദീഷ് വി വിശ്വം, ജി കെ രവികുമാര്‍ എന്നിവര്‍ ചേര്‍ന്നാണ്. അസോസിയേറ്റ് ഡയറക്ടര്‍ രാജേഷ് അടൂര്‍. ഗാനരചന നിര്‍വഹിക്കുന്നത് ഹാരിസ് കാസിമും സിജു ഖമര്‍ ചേര്‍ന്നാണ്. ഗാനങ്ങള്‍ക്ക് സംഗീതം നിര്‍വഹിച്ചിരിക്കുന്നത് ഹരീഷ് പുലത്തറ. ശ്രുതിഷ് ചേര്‍ത്തല, ഹാരിസ് കാസിം എന്നിവരാണ്. പാടിയിരിക്കുന്നത് വിധു പ്രതാപ്, ഹരീഷ് പുലത്തറ, കാവ്യാ സത്യന്‍, ഷെരീഫ് ന ട്ടസ്തുടങ്ങിയവരാണ്. പശ്ചാത്തലസംഗീതം നിര്‍വ്വഹിച്ചിരിക്കുന്നത് ജോസി ആലപ്പുഴയാണ്. അസോസിയേറ്റ് ഡയറക്ടേഴ്‌സ് ശ്രീജിത്ത് നന്ദന്‍, സാജന്‍ ജോര്‍ജ്. എക്‌സിക്യൂട്ടീവ് പ്രൊഡ്യൂസേഴ്‌സ് കാര്‍ത്തികേയന്‍, അമ്പിളി കാര്‍ത്തികേയന്‍. പ്രൊഡക്ഷന്‍ കണ്‍ട്രോളര്‍ ഷാജി കൊല്ലം.
വസ്ത്രാലങ്കാരം- സുകേഷ് താനൂര്‍, കോറിയോഗ്രാഫര്‍- സുജി ജോസഫ്, രജിന്‍ ജോയ്. സൗണ്ട് മിക്‌സിങ്- ജിജു, സംഘട്ടനം- ഡ്രാഗണ്‍ ജിറോഷ്, പ്രൊഡക്ഷന്‍ എക്‌സിക്യൂട്ടീവ്- ദിലീപ് ചാമക്കാല, സൗണ്ട് ഡിസൈന്‍- രാജേഷ് പി എം., എഡിറ്റിംഗ്- നിതിന്‍ ബാബു ഒസ്‌വോ ഫിലിം ഫാക്ടറി, മേക്കപ്പ്- റോയി പല്ലിശ്ശേരി, കലാസംവിധാനം- ബിനിത ബത്തേരി, പി ആര്‍ ഒ- എം കെ ഷെജിന്‍ ആലപ്പുഴ.
Online PR - CNA.
