Editor - MM Kamath
കൊച്ചി:
അജി ജോണ്‍ നായകനാകുന്ന 'സിദ്ദി' എന്ന ക്രൈം ത്രില്ലര്‍ ചിത്രത്തിന്റെ ഓഡിയോ പ്രകാശന കര്‍മ്മം, എറണാകുളം ഹോട്ടല്‍ ഹൈവേ ഗാര്‍ഡനില്‍ വെച്ച് കോവിഡ് പ്രോട്ടോകോള് പ്രകാരം സംഗീത സംവിധായകന്‍ രമേഷ് നാരായണ്‍ നിര്‍വ്വഹിച്ചു.
പ്രശസ്ത ഫുട്‌ബോള്‍ താരം ഐ എം വിജയന്‍ ചിത്രത്തില്‍ സുപ്രധാനമായ ഒരു കഥാപാത്രത്തെ അവതരിപ്പിക്കുന്നു.
സൂര്യ ഫിലിം പ്രൊഡക്ഷന്സിന്റെ ബാനറില്‍ മഹേശ്വരന്‍ നന്ദഗോപാല്‍ നിര്‍മ്മിക്കുന്ന ഈ ചിത്രം സൗത്ത് ഇന്ത്യന്‍ പരസ്യ മേഖലയില്‍ ശ്രദ്ധേയനായ പയസ് രാജ് സംവിധാനം ചെയ്യുന്നു.
രാജേഷ് ശര്‍മ്മ, അക്ഷയ ഉദയകുമാര്‍, ഹരിത ഹരിദാസ്, വേണു നരിയാപുരം, ഹരികൃഷ്ണന്‍, മധു വിഭാഗര്‍, ദിവ്യ ഗോപിനാഥ്, തനുജ കാര്‍ത്തിക്, സ്വപ്ന പിള്ള, തുടങ്ങിയവരാണ് മറ്റു പ്രമുഖ താരങ്ങള്‍. ഒപ്പം, ഒട്ടേറെ പുതുമുഖങ്ങളും തിയേറ്റര്‍കലാകാരന്‍മാരും ഈ ചിത്രത്തില്‍ അഭിനയിക്കുന്നു.
പ്രശസ്ത സിനിമാട്ടോഗ്രാഫര്‍ രവിവര്‍മ്മന്റെ ശിഷ്യന്‍ കാര്‍ത്തിക് എസ് നായര്‍ ഛായാഗ്രാഹണം നിര്‍വ്വഹിക്കുന്നു.
സംഗീത സംവിധാനം പണ്ഡിറ്റ് രമേഷ് നാരായണ്‍ നിര്‍വഹിക്കുന്നു.
മധുശ്രീ നാരായണ്‍, മധുവന്തി നാരായണ്‍, സൂരജ് സന്തോഷ്, രമേഷ് നാരായണ്‍, അജിജോണ്‍ എന്നിവരാണ് ഗാനങ്ങള്‍ ആലപിക്കുന്നത്.
എഡിറ്റര്‍- അജിത് ഉണ്ണികൃഷ്ണന്‍, ലൈന്‍ പ്രൊഡ്യൂസര്- അഡ്വക്കേറ്റ് കെ ആര്‍ ഷിജുലാല്‍, പ്രൊഡക്ഷന് കണ്ട്രോളര്- സുനില്‍ എസ് കെ, കല- ബനിത് ബത്തേരി, വസ്ത്രാലങ്കാരം- ഭക്തന്‍ മങ്ങാട്, മേക്കപ്പ്- സുധി സുരേന്ദ്രന്‍, സ്റ്റില്‍സ്- സാബു കോട്ടപ്പുറം, പരസ്യകല- ആന്റണി സ്റ്റീഫന്‍സ്.
'ഹോട്ടല്‍ കാലിഫോര്‍ണിയ','നമുക്ക് പാര്‍ക്കാന്‍', 'നല്ലവന്‍' തുടങ്ങിയ ചിത്രങ്ങളുടെ സംവിധായകനായ അജിജോണ്‍ 'അയ്യപ്പനും കോശിയും', 'ശിക്കാരി ശംഭു', 'നീയും ഞാനും', 'സെയിഫ്' എന്നീ ചിത്രങ്ങളിലെ അഭിനയത്തിലൂടെ ശ്രദ്ധേയനായ നടനാണ്.
വാര്‍ത്ത പ്രചരണം- എ എസ് ദിനേശ്.
Online PR - CNA.
