എ എസ് ദിനേശ്-
കൊച്ചി:
അജി ജോണ്‍, ഐ എം വിജയന്‍ എന്നിവരെ പ്രധാന കഥാപാത്രങ്ങളാക്കി പയസ് രാജ് മലയാളത്തിലും തമിഴിലും സംവിധാനം ചെയ്യുന്ന 'സിദ്ദി' എന്ന ക്രൈം ത്രില്ലര്‍ ചിത്രത്തിന്റെ തമിഴ് ഫസ്റ്റ് ലുക്ക് പോസ്റ്റര്‍ വെങ്കിട് പ്രഭു റിലീസ് ചെയ്തു.
സൂര്യ ഫിലിം പ്രൊഡക്ഷന്സിന്റെ ബാനറില്‍ മഹേശ്വരന്‍ നന്ദഗോപാല്‍ നിര്‍മ്മിക്കുന്ന ഈ ചിത്രത്തില്‍ രാജേഷ് ശര്‍മ്മ, അക്ഷയ ഉദയകുമാര്‍, ഹരിത ഹരിദാസ്, വേണു നരിയാപുരം, ഹരികൃഷ്ണന്‍, മധു വിഭാഗര്‍, ദിവ്യ ഗോപിനാഥ്, തനുജ കാര്‍ത്തിക്, സ്വപ്ന പിള്ള, തുടങ്ങിയവരാണ് മറ്റു പ്രമുഖ താരങ്ങള്‍. ഒപ്പം, ഒട്ടേറെ പുതുമുഖങ്ങളും തിയേറ്റര്‍കലാകാരന്‍മാരും ഈ ചിത്രത്തില്‍ അഭിനയിക്കുന്നു.
പ്രശസ്ത സിനിമാട്ടോഗ്രാഫര്‍ രവിവര്‍മ്മന്റെ ശിഷ്യന്‍ കാര്‍ത്തിക് എസ് നായര്‍ ഛായാഗ്രാഹണം നിര്‍വ്വഹിക്കുന്നു.
സംഗീത സംവിധാനം പണ്ഡിറ്റ് രമേഷ് നാരായണ്‍ നിര്‍വ്വഹിക്കുന്നു.
മധുശ്രീ നാരായണ്‍, മധുവന്തി നാരായണ്‍, സൂരജ് സന്തോഷ്, രമേഷ് നാരായണ്‍, അജിജോണ്‍ എന്നിവരാണ് ഗാനങ്ങള്‍ ആലപിക്കുന്നത്. എഡിറ്റര്‍- അജിത് ഉണ്ണികൃഷ്ണന്‍, ലൈന്‍ പ്രൊഡ്യൂസര്- അഡ്വക്കേറ്റ് കെ ആര്‍ ഷിജുലാല്‍, പ്രൊഡക്ഷന് കണ്ട്രോളര്- സുനില്‍ എസ് കെ, കല- ബനിത് ബത്തേരി, വസ്ത്രാലങ്കാരം- ഭക്തന്‍ മങ്ങാട്, മേക്കപ്പ്- സുധി സുരേന്ദ്രന്‍, സ്റ്റില്‍സ്- സാബു കോട്ടപ്പുറം, പരസ്യകല- ആന്റണി സ്റ്റീഫന്‍സ്.
'ഹോട്ടല്‍ കാലിഫോര്‍ണിയ', 'നമുക്ക് പാര്‍ക്കാന്‍', 'നല്ലവന്‍' തുടങ്ങിയ ചിത്രങ്ങളുടെ സംവിധായകനായ അജിജോണ്‍ 'അയ്യപ്പനും കോശിയും', 'ശിക്കാരി ശംഭു', 'നീയും ഞാനും', 'സെയിഫ്' എന്നീ ചിത്രങ്ങളിലെ അഭിനയത്തിലൂടെ ശ്രദ്ധേയനായ നടനാണ്.
സത്യം ഓഡിയോസ് ഗാനം വിപണിയിലെത്തിക്കുന്നു. വാര്‍ത്ത പ്രചരണം- എ എസ് ദിനേശ്.
