സി എന്‍ എ-
കൊച്ചി:
'സണ്‍ ഓഫ് അലിബാബ നാല്‍പ്പത്തൊന്നാമന്‍' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറക്കി.
ഫിലിം ഫോര്‍ട്ട് പ്രൊഡക്ഷന്സ് നിര്‍മ്മിച്ച ചിത്രത്തിന്റെ പോസ്റ്റര്‍ മലയാള സിനിമ താരങ്ങളായ അജു വര്‍ഗീസ്, മകബൂല്‍ സല്‍മാന്‍, കോട്ടയം നസീര്‍ എന്നിവരുടെ ഫേസ്ബുക്ക് ഇന്‍സ്റ്റാഗ്രാം പേജുകളിലൂടെയാണ് പുറത്തു ഇറക്കിയത്.
നവാഗതരായ അമര്‍നാഥ്, വിനീഷ് വിജയ് എന്നിവരെ കേന്ദ്ര കഥാപാത്രങ്ങളായെത്തുന്ന ചിത്രം നജീബലിയാണ് സംവിധാനം ചെയ്തിരിക്കുന്നത്. സുനില്‍ സുഗത, ബിനീഷ് ബാസ്റ്റിന്‍, ചാളമേരി, വി.കെ ബൈജു, ശിവജി ഗുരുവായൂര്‍, അനീഷ് രവി, അനിയപ്പന്‍ തുടങ്ങിയവരാണ് മറ്റുതാരങ്ങള്‍.
ഹസ്യത്തിനും സസ്‌പെന്‍സിനും പ്രാധാന്യം നല്‍കിയിട്ടുള്ള ഈ ചിത്രം അന്തരിച്ച നടന്‍ ശശി കലിംഗ അവസാനമായി അഭിനയിച്ച ചിത്രം കൂടിയാണ്. വി.വി. വിനയന്‍ തിരക്കഥ രചിച്ചിരിക്കുന്ന ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് നജീബ് ഷായാണ്. എഡിറ്റര്‍ കുമാരവേല്‍, ശബരീഷ് കെ സംഗീത സംവിധാനം നിര്‍വ്വഹിച്ചിരിക്കുന്ന ചിത്രത്തിന്റെ വരികള്‍ ഏങ്ങണ്ടിയൂര്‍ ചന്ദ്രശേഖറിന്റേതാണ്. പ്രൊഡക്ഷന് കണ്ട്രോളര്- ബിനീഷ് കുട്ടന്‍, അസോസിയേറ്റ് ഡയറക്ടേഴ്‌സ്- ഫൈറൂസ് കമറുദീന്‍, നീതു, ആക്ഷന്‍- ബ്രൂസ് ലി രാജേഷ്, കാസ്റ്റിംഗ് ഡയറക്ടര്‍- നൗഷാദ് നസീര്‍, കോസ്റ്റ്യും- വാസു വാണിയകുളം, സ്റ്റുഡിയോ- ലൂമിയര്‍ വിഷ്വല്‍ സ്റ്റുഡിയോ, പബ്ലിസിറ്റി ഡിസൈന്‍സ്- റൂം ഓഫ് ഇല്ല്യൂസേഷന്‍സ്, പി.ആര്‍.ഒ- സുനിത സുനില്‍.
Online PR - CNA.
